ស្ពានភ្ជាប់កោះពេជ្រ-កោះនរា នឹងតភ្ជាប់គ្នាថ្ងៃទី១០ កញ្ញា ខាងមុខនេះ ខណៈសង់បាន ៩២%ហើយ

• 31 ខែ​សីហា 2023
• Uncategorized
• 11 មើល

ស្ពានបេតុងខ្សែកាបកោះនរា ភ្ជាប់ពីទីក្រុងកោះពេជ្រ ទៅទីក្រុងកោះនរា នឹងតភ្ជាប់គ្នានៅថ្ងៃ​ទី​១០​ ខែកញ្ញា​ ឆ្នាំ២០២៣​ ខាងមុខនេះ ខណៈការសាងសង់សម្រេចបានប្រមាណ ៩២ភាគរយ ហើយ។ នេះបើតាមឯកឧត្តម​ កើត ឆែ អភិបាលរងរាជធានីភ្នំពេញ កាលពីថ្ងៃទី៣១ ខែសីហា ឆ្នាំ២០២៣។

ជាមួយគ្នានេះ ឯកឧត្ដម ឃួង ស្រេង អភិបាលរាជធានីភ្នំពេញ នឹងអញ្ជើញចូលរួមជាគណៈអធិបតីភាពក្នុងពិធីប្រារព្ធភ្ជាប់ស្ពានបេតុងខ្សែកាប។

តាមផែនការ ស្ពានខ្សែកាបនេះ​ គ្រោងនឹងបញ្ចប់នៅពាក់កណ្តាលខែវិច្ឆិកា ឆ្នាំ២០២៣ មុនព្រះរាជពិធីបុណ្យអ៊ុំទូក ខាងមុខនេះ។

សូមបញ្ជាក់ថា ស្ពានកោះពេជ្រ-កោះនរា មានទីតាំងស្ថិតនៅក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ក្រោមទុនវិនិយោគតម្លៃ ៣៨លានដុល្លារ និងត្រូវបានសាងសង់ដោយក្រុមហ៊ុនវិនិយោគទុនអណិកជនកម្ពុជា (OCIC) ក្រោមការគ្រប់គ្រងរបស់រដ្ឋបាលរាជធានីភ្នំពេញ។ (អានបន្ថែម)

• Road and Infrastructure