អាទិភាពម្ចាស់កម្មសិទ្ធិលំនៅដ្ឋាននៅអាស៊ីភាគអាគ្នេយ៍

• 13 ខែ​វិច្ឆិកា 2017
• ព័ត៌មានសំណង់
• 11 មើល

ការស្ទាបស្ទង់មតិអ្នកប្រើប្រាស់ក្នុងតំបន់ដោយក្រុមហ៊ុនអចលនទ្រព្យអនឡាញ PropertyGuru បានបង្ហាញថា ការធ្វើជាម្ចាស់កម្មសិទ្ធិលំនៅឋាននៅតែជាអាទិភាពខ្ពស់សម្រាប់ប្រជាពលរដ្ឋនៃបណ្តាប្រទេសអាស៊ីអាគ្នេយ៍ភាគច្រើន។

ការស្ទង់មតិនៅខែកញ្ញាបានឆ្លុះបញ្ចាំងពីបំណងប្រាថ្នាដ៏ខ្លាំងក្លារបស់អ្នកប្រើប្រាស់នៅសិង្ហបុរីម៉ាឡេស៊ី ឥណ្ឌូនេស៊ី និងថៃ ក្នុងការទិញអចលនទ្រព្យលំនៅឋាន ដែលក្នុងនោះអ្នកទិញចំនួន ៥០ភាគរយមានបំណងទិញក្នុងរយៈពេល ៦ខែបន្ទាប់។

អ្នកប្រើប្រាស់នៅឥណ្ឌូនេស៊ីមានសុទិដ្ឋិនិយមជាងគេលើទីផ្សារអចលនទ្រព្យ ដោយមានចំនួន ៦០ ភាគរយ មានបំណងទិញអចលនទ្រព្យនៅឆមាសទីពីរនៃឆ្នាំនេះ។

អ្នកទិញប្រកបដោយសក្តានុពលនៅប្រទេសឥណ្ឌូណេស៊ី ម៉ាឡេស៊ី និងថៃ បានចែករំលែកចំណាប់អារម្មណ៍ទិញអចលនទ្រព្យថ្មី ខណៈដែលអ្នកឆ្លើយតបការស្ទង់មតិនៅសិង្ហបុរីទំនងជាពិចារណាទិញអចលនទ្រព្យ។