ក្រុមហ៊ុន Seequent នាំយកបច្ចេកវិទ្យាថ្មី ២ សំខាន់ៗទៅប្រទេសកាដាណា

• Proeksa Meas
• 19 ខែ​មីនា 2026
• ព័ត៌មានសំណង់
• 570 មើល

ក្រុមហ៊ុន Seequent ដែលជាក្រុមហ៊ុនជំនាញខាងផ្នែកកម្មវិធីវិស្វកម្មរុករករ៉ែ បាននាំយកបច្ចេកវិទ្យាថ្មី ទៅបង្ហាញក្នុងសន្និសីទរបស់សមាគមអ្នករុករក និងអ្នកអភិវឌ្ឍន៍នៃប្រទេសកាណាដា (PDAC) ឆ្នាំនេះ។

ក្រុមហ៊ុនបានពីកម្មវិធីថ្មីរបស់ខ្លួនដែលបញ្ចូល AI និង Cloud ដើម្បីជួយធ្វើឱ្យការងារកាន់តែមានប្រសិទ្ធភាព។ កម្មវិធីនេះនឹងជួយឱ្យការស្វែងរកធនធានរ៉ែធ្វើទៅបានលឿនជាងមុន ព្រមទាំងកាត់បន្ថយហានិភ័យនៃគម្រោងទាំងមូលផងដែរ។

កម្មវិធីថ្មីនេះមានឈ្មោះថា Seequent Evo ដែលត្រូវបានរចនាឡើងដើម្បីធ្វើឱ្យទិន្នន័យភូគព្ភសាស្ត្រដ៏ស្មុគស្មាញ ងាយយល់ និងងាយប្រើប្រាស់ សូម្បីតែអ្នកដែលមិនមែនជាវិស្វករក៏អាចប្រើបាន។

ការសម្រួលការងារបែបនេះ មិនត្រឹមតែជួយបុគ្គលិកនៅក្នុងក្រុមហ៊ុននោះទេ តែក៏ជួយអតិថិជន និងវិនិយោគិនងាយយល់ពីគម្រោង ហើយសម្រេចចិត្តបានលឿនផងដែរ។

ការផ្លាស់ប្តូរឆ្ពោះទៅរកការធ្វើគំរូដោយស្វ័យប្រវត្តិដែលផ្អែកលើទិន្នន័យនេះ ត្រូវបានគេរំពឹងថានឹងជួយឱ្យឧស្សាហកម្មរ៉ែនឹងមានភាពធន់ និងមានសុវត្ថិភាពជាងមុន ពោលគឺប្ដូរពីវិស័យដែលមានគ្រោះថ្នាក់ខ្ពស់ មកជាវិស័យដែលមានសក្ដានុពល។

ក្រៅពីការអាប់ដេតកម្មវិធីរបស់ខ្លួន Seequent កំពុងសង្កត់ធ្ងន់លើសារៈសំខាន់នៃប្រព័ន្ធអេកូឡូស៊ីដែលតភ្ជាប់គ្នាក្នុងវិស័យរុករករ៉ែនេះ។ ចំណុចសំខាន់មួយនៃព្រឹត្តិការណ៍នេះគឺកិច្ចសហការជាមួយក្រុមហ៊ុន Orica ដែលបង្ហាញពីរបៀបដែលកម្មវិធីឯកទេសអាចភ្ជាប់ទំនាក់ទំនងរវាងអ្នកភូគព្ភសាស្ត្រដែលធ្វើការនៅការិយាល័យ និងក្រុមការងារខួងរុករកនៅទីតាំងជាក់ស្ដែងបាន។

ក្រុមហ៊ុនមានគោលដៅចង់ឱ្យបច្ចេកវិទ្យាថ្មីនេះផ្ដាស់ប្ដូរការជីករករ៉ែក្នុងមួយទសវត្សរ៍បន្ទាប់ឱ្យកាន់តែមាននិរន្តរភាព។

• AI
• Leapfrog Geo
• Seequent
• បច្ចេកវិទ្យា និងវិស្វកម្ម
• Bentley Systems