កម្ពុជាទាក់ទាញវិនិយោគិនសិង្ហបុរី

Proeksa Meas
3 ខែតុលា 2016
ព័ត៌មានអចលនទ្រព្យ
252 មើល

កំណើនសេដ្ឋកិច្ចប្រកបដោយស្ថិរភាពរបស់កម្ពុជា និងបទបញ្ញត្តិដែលបើកទូលាយសម្រាប់ការវិនិយោគបរទេស បានធ្វើឲ្យកម្ពុជាក្លាយជាប្រទេសដែលមានការទាក់ទាញអ្នកវិនិយោគអចលនទ្រព្យនៅសិង្ហបុរី។

បើយោងតាមក្រុមប្រឹក្សាអភិវឌ្ឍន៍កម្ពុជា (CDC) បច្ចុប្បន្ននេះប្រទេសសិង្ហបុរីគឺជាវិនិយោគិនធំជាងគេលំដាប់ទីបីនៅក្នុងប្រទេសកម្ពុជា បន្ទាប់ពីប្រទេសចិន និងចក្រភពអង់គ្លេស ក្នុងការអភិវឌ្ឍអចលនទ្រព្យដែលជាវិស័យលេចធ្លោបំផុត។

គម្រោង The Bridge និង The Peak គឺជាគម្រោងអភិវឌ្ឍដែលល្បីនៅក្នុងរាជធានីភ្នំពេញដែលគ្រប់គ្រងដោយក្រុមហ៊ុន Oxley Holdings and Hutton Real Estate Group ក្នុងចំណោមក្រុមហ៊ុនវិនិយោគរបស់ប្រទេសសិង្ហបុរី ដែលបានចូលទៅក្នុងទីផ្សារ និងបង្ហាញពីចំណាប់អារម្មណ៍ក្នុងការទិញខុនដូក្នុងចំណោមវិនិយោគិនសិង្ហបុរី។

កិច្ចព្រមព្រៀងពន្ធដាទ្វេ (DTA) រវាងប្រទេសទាំងពីរ បានកាត់បន្ថយពន្ធទ្វេដងលើប្រាក់ចំណូលបានមកពីការវិនិយោគឆ្លងប្រទេស បានធ្វើឲ្យកម្ពុជាកាន់តែមានការទាក់ទាញខ្លាំងឡើងសម្រាប់ការវិនិយោគនៅក្នុងតំបន់អាស៊ាន។

- Video Advertisement -