ការដ្ឋានសាងសង់ផ្លូវក្រវាត់ក្រុងទី៣ សម្រេចបាន ៦៦% គ្រោងសម្រេចតាមផែនការ ខែកញ្ញា

• 4 ខែ​កុម្ភៈ 2022
• Uncategorized
• 12 មើល

ការស្ថាបនាផ្លូវក្រវាត់ក្រុងទី៣ សម្រេចបាន ៦៦% ហើយ បើគិតត្រឹមចុងខែមករា ឆ្នាំ ២០២២ ដោយគ្រោងនឹងបញ្ចប់ការសាងសង់តាមផែនការនៅអំឡុងខែកញ្ញា ឆ្នាំ ២០២២។

ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន លើកឡើងពីវឌ្ឍនភាពការសាងសង់ផ្លូវក្រវ៉ាត់ក្រុងទី ៣ ក្នុងពិធីបិទសន្និបាទក្រសួង កាលពីសប្ដាហ៍មុន។

បើកការដ្ឋានសាងសង់កាលពីខែមករា ឆ្នាំ២០១៩ ផ្លូវក្រវ៉ាត់ក្រុងទី៣ ផ្លូវក្រវាត់ក្រុងមួយខ្សែនេះ មានប្រវែងសរុបប្រមាណជា ៥២,៩ គីឡូម៉ែត្រ ឆ្លងកាត់ខេត្តកណ្តាលប្រវែងជិត ៣៨ គីឡូម៉ែត្រ និងរាជធានីភ្នំពេញប្រមាណ ១៥ គីឡូម៉ែត្រ ដែលនឹងត្រូវចំណាយថវិកាប្រមាណ ២៧៣លានដុល្លារអាមេរិក ដែលជាកម្ចីពីប្រទេសចិន។ (អានបន្ថែម)

ផ្លូវនេះ កំពុងសាងសង់ដោយក្រុមហ៊ុន Shanghai Construction Group Co., Ltd. និងត្រួតពិនិត្យបច្ចេកទេសក្រុមហ៊ុន Guangzhou Wanan Construction Supervision Co., Ltd.។

គួរបញ្ជាក់ថា ក្រៅពីផ្លូវក្រវាត់ក្រុងទី ៣ ដែលកំពុងសាងសង់នេះ រដ្ឋាភិបាលក៏មានផែនការសង់សាងសង់ផ្លូវក្រវាត់ក្រុងទី ៣ ត្រើយខាងកើតផងដែរ ដើម្បីបង្កើតជាប្រវាត់ក្រុងពេញរង្វង់។

គម្រោងនេះ កំពុងសិក្សាដោយក្រុមហ៊ុនចិន ដោយនឹងអាចមឹងភ្ជាប់ផ្លូវបច្ចុប្បន្ន ឆ្លងទន្លេមេគង្គ ទៅស្រុកល្វាឯម ឆ្លងកាត់កោះដាច់ កោះអន្លង់ចិន និងតភ្ជាប់ទៅកាន់ផ្លូវជាតិលេខ៦។ (អានបន្ថែម)

 

 

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍