ការផ្តល់ជូននូវកិច្ចសន្យាសង់ខ្សែបញ្ជូនអគ្គិសនី

• Me Wathana
• 23 ខែ​ឧសភា 2017
• ព័ត៌មានអចលនទ្រព្យ
• 301 មើល

កិច្ចសន្យាសាងសង់ខ្សែបញ្ជូនអគ្គិសនីទីពីរដែលតភ្ជាប់ពីទំនប់វារីអគ្គិសនីស្ទឹងតាតៃក្នុងខេត្តកោះកុងទៅរាជធានីភ្នំពេញត្រូវបានប្រគល់ជូនក្រុមហ៊ុនមួយដែលជាកម្មសិទ្ធិរបស់ប្រទេសម៉ាឡេស៊ី។

ក្រុមហ៊ុន Pestech (Cambodia) Ltd. នឹងសាងសង់ខ្សែបញ្ជូនអគ្គិសនីប្រវែង ២២០ គីឡូម៉ែត្រ ដែលមានសមត្ថភាពផ្ទុកថាមពលអគ្គិសនី ២៣០គីឡូវ៉ុល ក្នុងតម្លៃ ១០០លានដុល្លារអាមេរិក។ ក្រុមហ៊ុន Pestech នឹងអនុវត្តការងាររចនា វិស្វកម្ម និងសំណង់ទាំងអស់ ក្នុងនាមក្រុមហ៊ុន Alex Corporation ដែលជាអ្នកម៉ៅការមេ។

ខ្សែបញ្ជូនអគ្គិសនីនេះនឹងកាត់ទូទាំងភ្នំក្រវាញ ហើយនឹងជាខ្សែបញ្ជូនទីពីរពីទំនប់វារីអគ្គិសនីស្ទឹងតាតៃដែលត្រូវបានសាងសង់ឡើងដោយក្រុមហ៊ុន China National Heavy Machinery Corporation របស់ប្រទេសចិន និងបានដាក់ឲ្យប្រើក្នុងឆ្នាំ ២០១៥។

ខ្សែបញ្ជូនថ្មីត្រូវបានរំពឹងថានឹងចាប់ផ្តើមសាងសង់ឆាប់ៗហើយបញ្ចប់ត្រឹមឆ្នាំ ២០២០។