ការលក់​បុរី​សែន​សុខ​របស់​ក្រុមហ៊ុន Creed មាន​ការកើនឡើង​ខ្លាំង​

• Proeksa Meas
• 3 ខែ​តុលា 2016
• ព័ត៌មានអចលនទ្រព្យ
• 98 មើល

ការលក់​របស់​គម្រោង​បុរី​សែន​សុខ​នៃ​ក្រុមហ៊ុន​អភិវឌ្ឍ​អចលនទ្រព្យ​ជប៉ុន Creed Group មាន​ការកើនឡើង​ខ្លាំង ដែល​មាន​ចំនួន​ប្រហែល ៨០ ភាគរយ​ក្នុង​ដំណាក់កាល​ទី​មួយ​ក្នុង​រយៈពេល ៤​ខែ បន្ទាប់ពី​បើក​ដំណើរការ​លក់​ដំបូង​។​

​ការលក់​ដោយ​ជោគជ័យ​របស់​បូរី​មហា​សែន​សុខ គឺ​ព្រោះតែ​ទីតាំង​គម្រោង​ដែល​ស្ថិតនៅ​ក្នុង​សង្កាត់​ដែល​មាន​ការរីកចម្រើន​ឡើង​ខ្លាំង​នៅក្នុង​ទីក្រុង ព្រម​ទាំង​នៅ​ជិត​ទីកន្លែង​ដែល​មាន​ភាពស្រស់ស្អាត ព្រលានយន្តហោះ ផ្សារ​ទំនើប Lion Mall និង​ផ្សារ​ទំនើប AEON Mall 2 ដែល​នឹង​បើក​ដំណើរការ​ឆាប់ៗ ព្រមទាំង​តម្លៃ​សមរម្យ​ដែល​អាច​ទទួលយកបាន​ដោយ​ចាប់ផ្តើម​ពី ៤៩.០០០ ដុល្លារ លក្ខខណ្ឌ​បង់​ប្រាក់​មាន​ភាពបត់បែន និង​ជម្រើស​ផ្តល់​ហិរញ្ញប្បទាន​កម្ចី​។

​បូរី​មហា​សែន​សុខ​គ្របដណ្តប់​លើ​ផ្ទៃដី​សរុប​ចំនួន ១២០.៦៨៤ ម៉ែត្រការ៉េ និង​មាន ៥៨៣​ផ្ទះ ដែល​រួមមាន​ទាំង​ផ្ទះល្វែង​មួយ​ជាន់ (E0) ផ្ទះល្វែង​ជាន់​ពីរ (E0/E1) និង​ដី​ឡូតិ៍​សម្រាប់​វីឡា​។