ការវិនិយោគខាងក្រៅរបស់អាស៊ីបានឈានដល់កម្រិតកម្ពស់ថ្មី

• Proeksa Meas
• 9 ខែ​ធ្នូ 2016
• ព័ត៌មានអចលនទ្រព្យ
• 187 មើល

ការវិនិយោគក្រៅស្រុករបស់អាស៊ីក្នុងវិស័យអចលនទ្រព្យពាណិជ្ជកម្មពិភពលោកបានបំបែកកំណត់ត្រានៅឆ្នាំ ២០១៦។

ការស្រាវជ្រាវដោយក្រុមហ៊ុន CBRE Group បានបង្ហាញថា ការវិនិយោគខាងក្រៅរបស់អាស៊ីនៅក្នុងវិស័យនេះឈានជិតដល់ ២៧ ប៊ីលានដុល្លារ នៅក្នុងរយៈពេលប្រាំមួយខែដំបូងនៃឆ្នាំ ២០១៦។ ក្នុងនោះ ៦០ ភាគរយនៃទឹកប្រាក់វិនិយោគសរុបនេះ បានមកពីអ្នកវិនិយោគចិន និង ៥២

ភាគរយត្រូវបានវិនិយោគលើទ្រព្យសកម្មដែលមានមូលដ្ឋាននៅអាមេរិក។

និន្នាការទូទៅនេះឆ្លុះបញ្ចាំងពីការផ្លាស់ប្តូរគួរឲ្យកត់សម្គាល់ ដោយមានការកើនឡើងនូវការវិនិយោគខាងក្រៅរបស់អាស៊ី ១០ ដងចាប់តាំងពីឆ្នាំ ២០០៩។ ក្នុងឆ្នាំ ២០០៩ ការវិនិយោគលើអចលនទ្រព្យខាងក្រៅរបស់អាស៊ីមានចំនួនសរុបតែចំនួន ៤,៩ ប៊ីលានដុល្លារ ហើយ ៨០ ភាគរយ នៃការចំណាយមូលធនអាស៊ីលើអចលនទ្រព្យត្រូវបានបណ្តាក់ទុននៅក្នុងស្រុក។

នៅឆ្នាំ ២០១៥ តួលេខទាំងនេះបានឈានដល់ ៤៧ ប៊ីលានដុល្លារ ដោយមានតែ ៤៧ ភាគរយប៉ុណ្ណោះដែលបណ្តាក់ទុននៅក្នុងស្រុក។

ក្នុងខណៈដែលសេដ្ឋកិច្ចអាស៊ីមានការរីកចំរើន និន្នាការនេះត្រូវបានរំពឹងថានឹងបន្តកើតមាន។