ការវិនិយោគនៅតំបន់អាស៊ីប៉ាស៊ីហ្វិកនៅតែមានស្ថិរភាព

• Proeksa Meas
• 1 ខែ​កុម្ភៈ 2017
• ព័ត៌មានអចលនទ្រព្យ
• 233 មើល

ការវិនិយោគនៅក្នុងទីផ្សារអចលនទ្រព្យអាស៊ីប៉ាស៊ីហ្វិកជារួមនៅតែមានភាពខ្លាំងក្លា នៅក្នុងត្រីមាសទី ៣ ឆ្នាំ ២០១៦ នេះបើយោងតាមរបាយការណ៍ចុងក្រោយបំផុតពីក្រុមហ៊ុន CBRE។

ទស្សនៈទីផ្សារប្រចាំត្រីមាសទី ៣ ឆ្នាំ ២០១៦ របស់ CBRE សម្រាប់តំបន់នេះ បានបង្ហាញពីការកើនឡើង ៥,៦ ភាគរយនៅក្នុងប្រតិបត្តិការជារួមពីមួយត្រីមាសទៅមួយត្រីមាសរហូតដល់ ២៤,៦ ប៊ីលានដុល្លារ។ ការកើនឡើងនេះ មួយផ្នែកមកពីការកើនឡើងនូវទំនុកចិត្តរបស់វិនិយោគិន និងមួយផ្នែកទៀតមកពីអត្រាការប្រាក់ទាបនៅទូទាំងតំបន់។

និន្នាការសំខាន់ឃើញថាប្រទេសអូស្ត្រាលី និងប្រទេសជប៉ុនស្មើនឹងចំនួន ៥២ភាគរយ នៃការវិនិយោគឆ្លងប្រទេសសរុបប្រចាំត្រីមាសទី ៣ ដោយមូលនិធិអចលនទ្រព្យអន្តរជាតិកំពុងមានភាពសកម្មនៅប្រទេសជប៉ុនហើយអ្នកវិនិយោគអាស៊ីនៅចាប់អារម្មណ៍ប្រទេសអូស្ត្រាលី។

របាយការណ៍នេះក៏បានបង្ហាញពីការធ្លាក់ចុះនៃទីផ្សារជួលអគារការិយាល័យនៅក្នុងតំបន់ដោយសារតែវិស័យហិរញ្ញវត្ថុមានសភាពនៅស្ងៀម និងកំណើនកម្រិតមធ្យមក្នុងវិស័យបច្ចេកវិទ្យា។