ការសាងសង់មានកំណើនយឺត ប៉ុន្តែកម្ចីទិញផ្ទះមានកំណើនខ្លាំង

• Proeksa Meas
• 27 ខែ​សីហា 2016
• ព័ត៌មានអចលនទ្រព្យ
• 221 មើល

ទោះបីជា​មាន​ស្ថិតិ​ថ្មី​ចុង​ក្រោយ​ពី​ក្រសួង​សេដ្ឋកិច្ច និង​ហិរញ្ញវត្ថុ បង្ហាញ​ពី​ការធ្លាក់ចុះ​នៃ​វិស័យ​សំណង់​ក្នុង​រយៈពេល​ប្រាំ​ឆ្នាំ​ខាង​មុខ​ក៏ដោយ ធនាគារពាណិជ្ជ​របស់​ប្រទេស​កម្ពុជា បានលើកឡើង​ពី​កំណើន​យ៉ាង​ខ្លាំង​នូវ​កម្ចី​ទិញ​លំនៅដ្ឋាន​។​

​ធនាគារ​ដែល​នាំមុខគេ​ដូចជា អេស៊ីលីដា និង​ធនាគារ CIMB បាន​ស្គាល់​នូវ​កំណើន​យ៉ាងខ្លាំង​ក្នុង​ការផ្តល់​ប្រាក់កម្ចី​ទិញ​លំនៅដ្ឋាន សម្រាប់​រយៈពេល ៥ ខែ​ដំបូង​នៃ​ឆ្នាំ​នេះ​។ បើ​យោងតាម​របាយការណ៍​នៅក្នុង Khmer Times បានបង្ហាញ​ថា ការផ្តល់​ប្រាក់កម្ចី​ទិញ​ផ្ទះ​នៅ​ក្នុង​ធនាគារ​អេស៊ីលីដា បាន​កើនឡើង ២៩ ភាគរយ ដោយ​មាន​ចំនួន​អ្នក​ខ្ចី​សរុប​កើនឡើង​ពី ៦.៦០០ ទៅ ៨.០៧៤ នាក់​។​

​ធនាគារ​ទាំង​ពីរ​បន្ត​បញ្ជាក់ថា ធនាគារ​ផ្តល់នូវ​ប្រាក់កម្ចី​ដល់​តែ​ម្ចាស់ផ្ទះ​ប៉ុណ្ណោះ ហើយ​ជា​ញឹកញាប់​គឺ គូ​ស្វាមីភរិយា​ដែល​រៀបកា​រហើយ​ថ្មីៗ ហើយ​មិន​ដែល​ផ្តល់​ប្រាក់​កម្ចី​ដល់​អ្នក​ទិញ ដែល​ទិញ​អចលនទ្រព្យ​សម្រាប់​ការរំពឹង​ទុក​លក់​ចំណេញ​នោះទេ​។