ការអភិវឌ្ឍន៍ឆ្នេរសមុទ្រហាឡុង ក្រោមមូលនិធិរបស់អារ៉ាប់រួមបន្តទៅមុខ

• Proeksa Meas
• 1 ខែ​កុម្ភៈ 2017
• ព័ត៌មានអចលនទ្រព្យ
• 228 មើល

គម្រោងអចលនទ្រព្យទេសចរណ៍របស់អារ៉ាប់រួមនៅឆ្នេរសមុទ្រហាឡុង ប្រទេសវៀតណាម ត្រូវបានកំណត់បន្តទៅមុខទៀត បន្ទាប់ពីការពន្យារពេលយូរមកហើយ។

ក្រុមហ៊ុនអភិវឌ្ឍន៍ដែលមានមូលដ្ឋាននៅទីក្រុងឌូបៃ Limitless បានពន្យារពេលលើគម្រោងរបស់ខ្លួនដែលមានទឹកប្រាក់ ៥៥០លានដុល្លារ នៅតំបន់បេតិកភណ្ឌពិភពលោករបស់អង្គការយូណេស្កូ នៅ Quang Ninh ភាគខាងជើងប្រទេសវៀតណាម។ ទោះជាយ៉ាងណា ពេលនេះក្រុមហ៊ុនបានប្រកាសថាកិច្ចសន្យាហេដ្ឋារចនាសម្ព័ន្ធរបស់ខ្លួននិងជិតមកដល់។

គម្រោងអភិវឌ្ឍន៍ប្រើប្រាស់ចំរុះ The Ha Long Star បានចាប់ផ្តើមនៅដើមឆ្នាំ ២០១៦។ ដំណាក់កាលទី ១ នឹងមានផ្ទះវីឡា ២,០០០ ផ្ទះល្វែងនិងអាផាតមិន ជាមួយកន្លែងលក់រាយ និងកន្លែងកំសាន្ត និងសណ្ឋាគារចំនួនពីរ។

បើទោះបីជាកិច្ចសន្យាលើកដំបូងត្រូវបានចុះហត្ថលេខានៅឆ្នាំ ២០០៩ ប៉ុន្តែភាពផុយស្រួយនៃឥណទានសកលលោក បានធ្វើឲ្យគម្រោងមានភាពរអាក់រអួលរហូតដល់កិច្ចសន្យាថ្មីត្រូវបានចុះហត្ថលេខានៅឆ្នាំ ២០១៤។