ក្នុងត្រីមាសទី ១ ចំណូលពន្ធប្រថាប់ត្រាអចលនទ្រព្យមានជាង ៥៥ លានដុល្លារ កើន៣៥%

• Kongleaphy Keam
• 21 ខែ​មេសា 2022
• ព័ត៌មានអចលនទ្រព្យ
• 88 មើល

ចំណូលពន្ធប្រថាប់ត្រា លើការផ្ទេរកម្មសិទ្ធិអចលនទ្រព្យ ក្នុងត្រីមាសទី១ ឆ្នាំ ២០២២ នេះ មានសរុប២២៦ប៊ីលានរៀល ឬ ៥៥,៧លានដុល្លារ ដែលកើន៣៥% បើកធៀបនឹងរយៈពេលដូចគ្នាឆ្នាំមុន។

តួលេខនេះត្រូវបានបង្ហាញនៅក្នុងកិច្ចប្រជុំប្រចាំខែ ដឹកនាំដោយ ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ កាលពីថ្ងៃទី១៩ ខែមេសា។

គួរបញ្ជាក់ថា ក្នុងរយៈពេលត្រីមាសទី១នេះ ចំណូលពន្ធសរុបមានដល់ទៅ ៥ ១១៥ ប៊ីលានរៀល ឬ ១ ២៦៣ លានដុល្លារអាមេរិក ដែលក៏កើនឡើងជាង ២២% បើធៀបរយៈពេលដូចគ្នាឆ្នាំ ២០២១។ ចំនួននេះគឺស្មើនឹង ៤៥% នៃផែនការឆ្នាំ ២០២២ ដែលដាក់គោលដៅថានឹងប្រមូលបាន ២ ៨១៩ លានដុល្លារ។

ចំណូលនេះភាគច្រើនបានមកពីពន្ធ ៥ ប្រទេស រួមមាន ពន្ធលើប្រាក់ចំណេញ អាករលើតម្លៃបន្ថែម ពន្ធលើប្រាក់បៀវត្សរ៍ ពន្ធពិសេស និងពន្ធប្រថាប់ត្រាលើការផ្ទេរអចលនទ្រព្យ។