ក្រុមហ៊ុនជីបម៉ុងចុះហត្ថលេខាលើកិច្ចព្រមព្រៀងជាមួយ Hyatt

• Proeksa Meas
• 9 ខែ​ធ្នូ 2016
• ព័ត៌មានអចលនទ្រព្យ
• 162 មើល

ក្រុមហ៊ុន ជីបម៉ុងគ្រុប បានចុះកិច្ចព្រមព្រៀងគ្រប់គ្រងជាមួយនឹងក្រុមហ៊ុន Hyatt Hotel & Resort ដើម្បីសាងសង់ និងប្រតិបត្តិការសណ្ឋាគារលំដាប់ផ្កាយប្រាំ Hyatt Regency នៅកណ្តាលរាជធានីភ្នំពេញ នេះបើយោងតាមការប្រកាសព័ត៌មានរបស់ក្រុមហ៊ុន។

ក្រុមហ៊ុន Hyatt Hotels Corporation បានប្រកាសថាសណ្ឋាគារដែលមាន ២៥០ បន្ទប់ នឹងត្រូវបានសាងសង់នៅតាមទីតាំងជាច្រើនដែលទាក់ទាញភ្ញៀវទេសចរណ៍បំផុតក្នុងទីក្រុង រួមទាំងសារមន្ទីរជាតិ និងព្រះបរមរាជវាំងផងដែរ ហើយនិងត្រូវបញ្ចប់ការសាងសង់នៅឆ្នាំ ២០២០។

លោក David Udell ប្រធានក្រុមប្រតិបត្តិនៃក្រុមហ៊ុន Hyatt’s Asia Pacific បានឲ្យដឹងថា ខណៈដែលរាជធានីភ្នំពេញនៅបន្តក្លាយជាតំបន់ដែលត្រូវបានគេស្គាល់ថាជាគោលដៅសម្រាប់សិល្បៈ វប្បធម៍ ទេសចរណ៍ និងអាជីវកម្ម យើងមានទំនុកចិត្តថា ឈ្មោះ Hyatt Regency ដែលត្រូវបានទទួលស្គាល់ទូទាំងពិភពលោកនឹងសមស្របសម្រាប់អ្នកជំនួញ និងភ្ញៀវទេសចរដែលមកទស្សនាប្រទេសកម្ពុជា។