ក្រុមហ៊ុនម៉ាឡេស៊ីបង្កើតកំណត់ត្រាការដេញថ្លៃសម្រាប់ដីនៅ Marina Bay

• Proeksa Meas
• 1 ខែ​កុម្ភៈ 2017
• ព័ត៌មានអចលនទ្រព្យ
• 211 មើល

បើយោងតាមអាជ្ញាធរអភិវឌ្ឍន៍ទីក្រុងឡើងវិញរបស់ប្រទេសសិង្ហបុរី ក្រុមហ៊ុនម៉ាឡេស៊ីមួយបានធ្វើការដេញថ្លៃខ្ពស់បំផុតសម្រាប់ការលក់លើកដំបូងនូវដីក្នុងតំបន់ Marina Bay ដែលជាទីតាំងប្រកបដោយកិត្យានុភាពរបស់ប្រទេសសិង្ហបុរី ក្នុងរយៈពេល ៩ឆ្នាំ មកនេះ។

នៅពេលការដេញថ្លៃនេះបានបិទជាផ្លូវការនៅថ្ងៃទី ៨ ខែវិច្ឆិកា សម្រាប់តំបន់ Central Boulevard ក្រុមហ៊ុន Wealthy Link Pte បានធ្វើការដេញថ្លៃខ្ពស់បំផុតក្នុងទឹកប្រាក់ ១,៩ ប៊ីលានដុល្លារ សម្រាប់ទំហំដី ១,១ ហិកតា (១១៨.៤០០ ហ្វីតការ៉េ) មានន័យថា ទំហំដី ១ ហ្វីតការ៉េ មានតម្លៃ ១.១៩២ ដុល្លារអាមេរិក ដែលនេះគឺជាកំណត់ត្រាថ្មីមួយសម្រាប់ការលក់ដីរបស់រដ្ឋាភិបាលសិង្ហបុរី។

ក្រុមហ៊ុន Wealthy Link Pte ជាកម្មសិទ្ធិរបស់ Malaysian Conglomerate IOI Properties Group Bhd ដែលមានអាជីវកម្មក្នុងវិស័យអចលនទ្រព្យ និងប្រេងដូង។