ក្រុមហ៊ុនអចលនទ្រព្យបណ្តាក់ទុនរួមគ្នាថៃ-ជប៉ុនត្រូវបានបង្កើតឡើង

• Proeksa Meas
• 9 ខែ​ធ្នូ 2016
• ព័ត៌មានអចលនទ្រព្យ
• 213 មើល

ឧទាហរណ៍មួយទៀតនៃការវិនិយោគរបស់ជប៉ុននៅក្នុងវិស័យអចលនទ្រព្យនៅអាស៊ីអាគ្នេយ៍ នោះគឺការវិនិយោគរួមគ្នាថ្មីមួយរវាងក្រុមហ៊ុនអភិវឌ្ឍន៍អចលនទ្រព្យថៃ Ananda Development និងក្រុមហ៊ុនអភិវឌ្ឍន៍អចលនទ្រព្យជប៉ុន Mitsui Fudosan ដែលត្រូវបានរំពឹងថានឹងបង្កើតឡើងនៅខែវិច្ឆិកា។

ក្រុមហ៊ុនទាំងពីរនេះបានចូលរួមនៅក្នុងការបណ្តាក់ទុនរួមគ្នាមួយចាប់តាំងពីឆ្នាំ ២០១៣ នៅលើការវិនិយោគចំនួន ១២ រួមទាំងគម្រោងខុនដូជាច្រើន។ ក្នុងនោះគម្រោងចំនួន ៩ បានដាក់ឲ្យដំណើរការហើយ ខណៈដែលគម្រោងផ្សេងទៀតកំពុងតែត្រូវបានបញ្ចប់។

ការបណ្តាក់ទុនរួមគ្នាថ្មីរបស់ពួកគេនេះ ផ្តោតលើការអភិវឌ្ឍគម្រោងខុនដូចំនួនប្រាំដែលមានទីតាំងស្ថិតនៅជិតស្ថានីយ៍រថភ្លើង Skytrain កណ្តាលក្រុងបាងកក ហើយត្រូវបានប៉ាន់ប្រមាណថាមានតម្លៃប្រមាណ ៤៣៣,៥ លានដុល្លារ។

ក្រុមហ៊ុន Mitsui Fudosan បានបង្ហាញនូវការចាប់អារម្មណ៍ក្នុងការវិនិយោគក្នុងការអភិវឌ្ឍន៍ការដឹកជញ្ជូន និងឃ្លាំងនៃវិស័យអចលនទ្រព្យរបស់ប្រទេសថៃផងដែរ ។