ក្រុមហ៊ុនអភិវឌ្ឍន៍ផ្អាកគម្រោង The Bay

• Proeksa Meas
• 9 ខែ​ធ្នូ 2016
• ព័ត៌មានអចលនទ្រព្យ
• 236 មើល

ក្រុមហ៊ុនអភិវឌ្ឍន៍គម្រោងខុនដូ The Bay ដែលមានតម្លៃ 500 ៥០០ លានដុល្លារ នៅជ្រោយចង្វារ បានប្រកាសថា ក្រុមហ៊ុននឹងផ្អាកសិនជាបណ្តោះអាសន្នចំពោះផ្នែកលំនៅឋាននៃគម្រោងនេះ ។

ក្រុមហ៊ុន TEHO International Co Ltd ដែលជាក្រុមហ៊ុនសិង្ហបុរីមេរបស់ក្រុមហ៊ុនអភិវឌ្ឍន៍ និងទីផ្សារThe Bay បានប្រកាសក្នុងខែកញ្ញាថា ការសម្រេចចិត្តផ្អាកការសាងសង់លំនៅដ្ឋានដោយសារតែមានការព្រួយបារម្ភថាមានខុនដូជាច្រើននៅក្នុងទីផ្សារនៅរាជធានីភ្នំពេញ។

មនុស្សមួយចំនួននៅក្នុងវិស័យសំណង់ និងអចលនទ្រព្យ បានយល់លើសេចក្តីប្រកាសនេះថា ជាសញ្ញាដំបូងនៃការធ្លាក់ចុះឧស្សាហកម្មមួយនេះ ។

ក្រុមហ៊ុននេះបានឲ្យដឹងថា ក្រុមហ៊ុននឹងធ្វើការជាមួយដៃគូបណ្តាក់ទុនរួមគ្នាក្នុងស្រុករបស់ខ្លួន ដើម្បីវាយតម្លៃលើការផ្លាស់ប្តូររបស់ទីផ្សារ និងធ្វើការដាក់គម្រោងអភិវឌ្ឍនេះឡើងវិញ ។ វិនិយោគិនទាំងអស់ដែលបានទិញខុនដូក្នុងដំណាក់កាលដំបូងនេះ បានរាយការណ៍ថាបានទទួលប្រាក់កក់របស់ពួកគេត្រឡប់មកវិញហើយ ។