ក្រុមហ៊ុន Mitsubishi វិនិយោគនៅតំបន់ជាយក្រុងទីក្រុងហាណូយ

Proeksa Meas
1 ខែតុលា 2016
ព័ត៌មានអចលនទ្រព្យ
191 មើល

ក្រុមហ៊ុន Mitsubishi កំពុងធ្វើជាដៃគូជាមួយក្រុមហ៊ុនអចលនទ្រព្យវៀតណាម Bitexco ដើម្បីអភិវឌ្ឍផ្នែកនៃជាយក្រុងហាណូយឈ្មោះថា Manor Centre Park ដែលត្រូវចំណាយថវិកា ១,៩ ប៊ីលានដុល្លារ។

ក្រុមហ៊ុន Mitsubishi នឹងកាន់កាប់ភាគហ៊ុន ៤៥ ភាគរយនៅក្នុងក្រុមហ៊ុនវិនិយោគរួមគ្នាដើម្បីអភិវឌ្ឍបន្ទប់ខុនដូចំនួន ៨៧០០យូនីត លើផ្ទៃដី ១៩០ ហិកតា ដែលមានទីតាំងស្ថិតនៅចំងាយ ៨ គីឡូម៉ែត្រពីរដ្ឋធានី។

គម្រោង Manor Park Centre មានលំនៅដ្ឋាន ហាងលក់ទំនិញរាយ អគារការិយាល័យ ឧទ្យាន និងមជ្ឈមណ្ឌលកីឡាសម្រាប់កំណើនយ៉ាងឆាប់រហ័សនៃមនុស្សថ្នាក់កណ្តាលនៅក្នុងប្រទេសវៀតណាម ដែលមានប្រាក់ចំណូលមធ្យមបានកើនឡើងបួនដងក្នុងរយៈពេល ១៥ ឆ្នាំចុងក្រោយនេះ។

អាផាតមិនចំនួន ៧,៧០០យូនីត ដែលមានទំហំ ៧០-៨០ ម៉ែតការ៉េ នឹងមាននៅក្នុងខុនដូចំនួន ១៧ ហើយតម្លៃចាប់ពី ១៥០ពាន់ដុល្លារ។ ក្នុងនោះ បន្ទប់ខុនដូចំនួន ១០០០ បន្ថែមទៀតដែលមានទំហំ ៣០០ ម៉ែត្រការ៉េ ត្រូវបានរាយការណ៍ថានឹងត្រូវលក់ក្នុងតម្លៃរហូតដល់ទៅ ៧០០ពាន់ដុល្លារ។

- Video Advertisement -