ខេត្តតាកែវអនុម័តគម្រោងវិនិយោគថ្មីចំនួន ៤៥ ដែលមានតម្លៃ ១៤៨ លានដុល្លា រក្នុងរយៈពេល ១០ខែ

• 21 ខែ​វិច្ឆិកា 2025
• Uncategorized
• 10 មើល

សកម្មភាពវិនិយោគនៅខេត្តតាកែវបានបង្ហាញឱ្យឃើញពីកំណើនក្នុងរយៈពេលដប់ខែដំបូងនៃឆ្នាំ ២០២៥ ដោយអនុគណៈកម្មាធិការវិនិយោគខេត្តបានអនុម័តគម្រោងថ្មីចំនួន ៤៥គម្រោង ដែលមានដើមទុនសរុបជិត ១៥០ លានដុល្លារ នេះបើយោងតាម Fresh news។

ឯកឧត្តម វ៉ី សំណាង អភិបាលខេត្តតាកែវ បានបង្ហាញតួលេខទាំងនេះដល់អ្នកយកព័ត៌មានកាលពីពេលថ្មីៗនេះក្នុងអំឡុងពេលយុទ្ធនាការចុះឈ្មោះអ្នកសេដ្ឋកិច្ចក្រៅប្រព័ន្ធ ឆ្នាំ២០២៥។ លោកបានបញ្ជាក់ថា ក្រុមហ៊ុនចំនួន ៤៥ ដែលតំណាងឱ្យការវិនិយោគចំនួន ១៤៨ លានដុល្លារ។ ក្នុងនោះរួមមានក្រុមហ៊ុនផលិតគ្រឿងសង្ហារិម សម្ភារផ្ទះបាយ សម្ភារវេចខ្ចប់សម្លៀកបំពាក់ ឧបករណ៍ហាត់ប្រាណ ប្លាស្ទិក ខ្សែប្រាំង និងហ្គែរ សម្រាប់កង់ម៉ូតូ និងរថយន្ត។

ឯកឧត្តមអភិបាលក៏បានគូសបញ្ជាក់ពីការអភិវឌ្ឍរោងចក្រផងដែរ ដោយកត់សម្គាល់ថាអគាររោងចក្រថ្មីចំនួន ១៤៩ ក្នុងចំណោមរោងចក្រដែលបានស្នើសុំចុះបញ្ជីក្នុងខេត្តត្រូវបានសាងសង់រួចរាល់ និងរៀបចំបើកដំណើរការ។ រោងចក្រសហគ្រាសថ្មីទាំងអស់នេះ គឺគ្របដណ្តប់លើវិស័យកសិកម្ម កសិ-ឧស្សាហកម្ម វិស័យកាត់ដេរ និងស្បែកជើង។

បច្ចុប្បន្ននេះ ខេត្តតាកែវមានរោងចក្រសរុបចំនួន ៨១៩ មានកម្មករនិយោជិតជាង ១២០,០០០ នាក់ ដែលក្នុងនោះមានស្ត្រីជាង ៨០,០០០ នាក់។ ក្នុងចំណោមរោងចក្រទាំងនេះមានរោងចក្រវាយនភណ្ឌ កាត់ដេរ និងស្បែកជើងចំនួន ១៣៥ ដែលផ្តល់ការងារដល់កម្មករជាង ១០០,០០០ នាក់។ ក្រៅពីរោងចក្រកាត់ដេរ នៅមានរោងចក្រផ្សេងៗទៀត សរុបចំនួន ៦៨៤សហគ្រាស មានកម្មករនិយោជិតជាង ២៥០,០០០នាក់៕

• Investments
• Takeo
• Garmen