គម្រោងសាងសង់ទីលានចាក់សំរាម ក្រោមឥណទាន ADB នៅខេត្តកែប សម្រេចបាន ៩០%

• 12 ខែ​តុលា 2021
• Uncategorized
• 9 មើល

ការដ្ឋានសាងសង់ទីលានចាក់សម្រាម លើផ្ទៃដី ៨ហិកតា ក្នុងសង្កាត់ព្រៃធំ នៃក្រុងកែប សម្រេចបាន ៩០% ហើយ បើគិតត្រឹមខែកញ្ញា ឆ្នាំ២០២១ នេះ ខណៈកាលបរិច្ចេទបញ្ចប់ជាស្ថាពរអាចនឹងយឺតជាងផែន ដោយនឹងត្រូវពន្យារពីខែតុលាឆ្នាំនេះ ដើមឆ្នាំក្រោយ។

យោងតាមរបាយការណ៍ពីរដ្ឋបាលខេត្តកែប គម្រោងទីលានចាក់សំរាមនេះ កំពុងសាងសង់ក្រោមឥណទានរបស់របស់ADB លើគម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយាបន្ន នៃមហាអនុតំបន់មេគង្គជំហានទី២។

ការសាងសង់បានចាប់ផ្តើមនៅខែឧសភា ឆ្នាំ២០២០ ដោយគ្រោងចំណាយពេលសាងសង់១៧ខែ ពោលគឺនឹងបញ្ចប់នៅខែតុលាឆ្នាំ២០២១នេះ។ ប៉ុន្តែដំណើរការសាងសង់បានរងផលប៉ះពាល់ដោយសារខ្វះកម្លាំងពលកម្ម ក្នុងវិបត្តិកូវិដ១៩ ដូច្នេះគម្រោងទាំងមូលនឹងត្រូវបន្ថែមរយៈពេលសាងសង់ ៤ខែ ទៀត ។

សូមបញ្ជាក់ថា គម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយាបន្ន នៃមហាអនុតំបន់មេគង្គជំហានទី២ របស់ADB មានទឹកប្រាក់អនុវត្តគម្រោង៣០លានដុល្លារ។

ទឹកប្រាក់នេះត្រូវបានប្រើប្រាស់លើគម្រោងផ្សេងៗជាច្រើន ដូចជាទីលានចាក់សំរាម ផ្លូវប្របមាត់ឆ្នេរសមុទ្រតម្លៃ១០,៥លានដុល្លារ និងផែទេសចរណ៍នៅកោះទន្សាយ តម្លៃ១,៦លានដុល្លារជាដើម។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍