គម្រោងអគារខ្ពស់ប្រណីត High-Rise នៅមាត់ទន្លេទីក្រុងរ៉ង់ហ្គូន

Proeksa Meas
1 ខែតុលា 2016
ព័ត៌មានអចលនទ្រព្យ
228 មើល

អគារខ្ពស់ៗនៅរ៉ង់ហ្គូនត្រូវបានកំណត់សម្រាប់ការផ្លាស់ប្តូរធំមួយ បន្ទាប់ពីមានការប្រកាសពីគម្រោងអភិវឌ្ឍន៍អគារខ្ពស់ប្រណីត High-Rise នៅតាមមាត់ទន្លេក្នុងតំបន់មួយនៃតំបន់ក្រីក្របំផុតរបស់ទីក្រុង។

ក្រុមហ៊ុនវិនិយោគរួមគ្នារវាងប្រទេសចិន និងមីយ៉ាន់ម៉ា នឹងអភិវឌ្ឍខុនដូប្រណីត High-Rise ចំនួន ១៣ នៅតាមដងទន្លេ Hlaing នៅសួនច្បារមាត់ទន្លេដែលធំបំផុត។ នៅក្បែរ Hlaing Tharyar គឺជាទីប្រជុំជនធំជាងគេនៅទីក្រុងរ៉ង់ហ្គូន ដែលត្រូវបានស្គាល់ថាជាតំបន់មានការរស់នៅដោយមិនមានការអនុញ្ញាតត្រឹមត្រូវធំបំផុតក្នុងប្រទេសមីយ៉ាន់ម៉ា។

អគារខុនដូកំពស់ ៣១ជាន់ ចំនួនពីរដំបូងដែលត្រូវសាងសង់លើសួនច្បារទន្លេ បានចាប់ផ្តើមសាងសង់នៅខែ កក្កដា ហើយនឹងមានបន្ទប់ខុនដូរចំនួន ១៨០០យូនីត។

ក្រុមហ៊ុនអភិវឌ្ឍន៍របស់ចិន និងវៀតណាម បានវិនិយោគយ៉ាងខ្លាំងនៅក្នុងគម្រោងលំនៅដ្ឋាននៅក្នុងទីក្រុងធំបំផុតរបស់ប្រទេសភូមា ដោយក្នុងនោះក្រុមហ៊ុនអភិវឌ្ឍន៍របស់សហរដ្ឋអាមេរិកបានរំពឹងថានឹងធ្វើការវិនិយោគដូចគ្នា បន្ទាប់ពីមានការដកចេញនូវទណ្ឌកម្មសេដ្ឋកិច្ចលើប្រទេសនេះ។

- Video Advertisement -