គម្រោង អ័រគីដេ ដឹរ៉ូយ៉ាល់ខុនដូមីនីមបញ្ចប់ការសាងសង់

• Khat Leakhena
• 21 ខែ​សីហា 2019
• ព័ត៌មានអចលនទ្រព្យ
• 103 មើល

គម្រោងដ៏ប្រណីត អ័រគីដេ ដឹរ៉ូយ៉ាល់ខុនដូមីនីម ដែលជាផ្នែកមួយនៃគម្រោងលំនៅដ្ឋានដ៏ធំក្នុងសង្កាត់ទឹកថ្លាបានបញ្ចប់ការសាងសង់គ្រោងអគាររួចរាល់ហើយ ដោយមានការប្រារព្ធពិធីបញ្ចប់ការសាងសង់កាលពីថ្ងៃទី ១៩ ខែ សីហា កន្លងទៅនេះ។

មានទីតាំងតាមបណ្តោយផ្លូវ ២០០៤ ភូមិទឹកថ្លា សង្កាត់ទឹកថ្លា ខណ្ឌសែនសុខ គម្រោងនេះរួមមានអគារខុនដូចំនួន ៦ អគារ ដែលមានចំនួនយូនីតសរុបប្រមាណជា ១៩៩៩ យូនីត និងបំពាក់ទៅដោយបរិក្ខារអគារលំដាប់ផ្កាយ ៥។

អភិវឌ្ឍដោយក្រុមហ៊ុនអភិវឌ្ឍន៍លំនៅដ្ឋានឈានមុខគេមួយនៅកម្ពុជា អ័រគីដេ វីឡា គម្រោង អ័រគីដេ ដឹរ៉ូយ៉ាល់ខុនដូមីនីម បានចាប់ផ្តើមការសាងសង់កាលពីឆ្នាំ ២០១៧ ដោយក្រុមហ៊ុនChina State Construction Engineering Corporation (CSCEC) ហើយគ្រោងនឹងបញ្ចប់ការសាងសង់ទាំងស្រុងក្នុងឆ្នាំ ២០២០ ខាងមុខនេះ។

គម្រោងនេះ គឺជាផ្នែកមួយនៃគម្រោងលំនៅដ្ឋានអ័រគីដេ វីឡា- ដឹរ៉ូយ៉ាល់ដែលរួមបញ្ចូល៣ផ្នែកផ្សេងគ្នា។ ផ្នែកទីមួយគឺ គម្រោងលំនៅដ្ឋានសម្រាប់អាជីវកម្ម ឬ shop houses ដែលស្ថិតក្នុងទីតាំងល្អសម្រាប់ប្រកបអាជីវកម្ម។ ផ្នែកទីពីរ គឺគម្រោងខុនដូ ដែលមានចំនួន៦អគារខាងលើនេះ។ គម្រោងនេះរួមមាន ហាងលក់ទំនិញ ផ្សារម៉ាត ភោជនីយដ្ឋាន កន្លែងសម្រាប់ហាត់ប្រាណ និងសួនច្បារជាដើម។ ចំណែកឯ ផ្នែកទីបី គឺលំនៅដ្ឋានបែបសហគមពោលគឺជាបុរី។ អានបន្ថែម