គម្រោង High-Rise នៅទីក្រុងរ៉ងហ្គូនដែលត្រូវបានផ្អាកដើម្បីយកមកពិចារណាឡើង

Proeksa Meas
1 ខែតុលា 2016
ព័ត៌មានអចលនទ្រព្យ
321 មើល

បន្ទាប់ពីគម្រោងអភិវឌ្ឍន៍អចលនទ្រព្យ ២០០ High-Rise ត្រូវបានផ្អាកនៅទីក្រុងរ៉ង់ហ្គូនដោយសារការរំលោភលើបទប្បញ្ញត្តិកំណត់តំបន់សម្រាប់អគារកំពស់ទាបកាលពីដើមឆ្នាំនេះ ក្រុមហ៊ុនអភិវឌ្ឍន៍កំពុងតស៊ូមតិដើម្បីអាចអនុវត្តគម្រោងនេះវិញ ជាមួយនិងលទ្ធផលដែលមិនអាចទៅរួច។

លោកស្រី Daw Sandar Min ប្រធានគណកម្មាធិការហិរញ្ញវត្ថុ ផែនការ និងសេដ្ឋកិច្ច នៃសភាតំបន់ទីក្រុងរ៉ង់ហ្គូន បានគាំទ្រការសម្រេចរបស់គណៈកម្មាធិការអធិការកិច្ចនៃអគារ High-Rise ក្នុងការផ្អាកគម្រោងដែលត្រូវបានអនុម័តដោយរដ្ឋាភិបាលមុន។ ប៉ុន្តែលោកស្រីបានអំពាវនាវដល់រដ្ឋាភិបាលក្នុងតំបន់ធ្វើការពិចារណាឡើងវិញនូវគម្រោងអភិវឌ្ឍចំនួន ១២ ដែលគោរពតាមការកំណត់លក្ខណៈពិសេសនៃតំបន់។

លោកស្រីបានប្រាប់ទៅកាន់ Myanmar Times ថា ៖ “គណៈកម្មាធិការយើងនឹងមើលការពិនិត្យមើលឡើងវិញនេះយ៉ាងដិតដល់ ដោយសារតែការខាតបង់ធំសម្បើមដល់សេដ្ឋកិច្ចរបស់យើង ក្នុងនោះកម្មករដែលធ្វើការទទួលប្រាក់ឈ្នួលប្រចាំថ្ងៃ ត្រូវទទួលរងការប៉ះពាល់រាល់ថ្ងៃដោយសារការផ្អាកនេះនៅតែបន្ត ហើយខ្ញុំចង់រំលឹកក្រុមមន្ត្រីក្នុងតំបន់ឲ្យយករឿងនេះមកពិចារណា។”

- Video Advertisement -