គម្រោង Marum Estate ឈ្នះពានចំនួន២ ពីកម្មវិធី PropertyGuru Asia Property Awards ឆ្នាំ២០២៣

12 ខែធ្នូ 2023
Uncategorized @km
8 មើល

គម្រោង Marum Estate ជាគម្រោងដែលបានផ្តួចផ្តើមឡើងដោយក្រុមហ៊ុន Sir Stamford Raffles (Cambodia) Co. Ltd., ដែលទទួលបានពានរង្វាន់ដ៏មានកិត្យានុភាពចំនួន២ នៅក្នុងព្រឹត្តិការណ៍ពានរង្វាន់អចលនទ្រព្យ PropertyGuru Asia Property Awards ប្រចាំឆ្នាំ២០២៣។ នេះជាសញ្ញាបង្ហាញពីការពង្រឹងជំហររបស់ខ្លួនក្នុងនាមជាអ្នកអភិវឌ្ឍន៍ឈានមុខគេនៃវិស័យអចលនទ្រព្យក្នុងតំបន់។

ក្នុងវគ្គផ្តាច់ព្រ័ត្រន៍ពានរង្វាន់ PropertyGuru Asia Property Awards នេះបានប្រារព្វឡើងនៅសណ្ឋាគារដ៏ប្រណិត The Athenee នៅទីក្រុងបាងកកប្រទេសថៃ។ កម្មវិធីអាហារពេលល្ងាច និងការធ្វើបទបង្ហាញនេះនឹងក្លាយជាឱកាសក្នុងការប្រមូលផ្តុំអ្នកជំនាញនាំមុខគេក្នុងវិស័យអភិវឌ្ឍន៍អចលនទ្រព្យក្នុងតំបន់ មិនត្រឹមតែប៉ុណ្ណោះ អ្នកអភិវឌ្ឍអចលនទ្រព្យដែលទទួលបានជ័យលាភីពីបណ្តាប្រទេសទាំង១៣ក្នុងតំបន់ប្រចាំឆ្នាំ២០២៣នេះក៏នឹងចូលរួមក្នុងពិធីដ៏វិសេសវិសាលនេះផងដែរ។

ប្រឈមនឹងប្រកួតប្រជែងជាមួយអ្នកអភិវឌ្ឍ និងគម្រោងគំរូនៅទូទាំងអាស៊ី Marum Estate ត្រូវបានទទួលស្គាល់សម្រាប់ផែនការមេទីក្រុងពិសេស និងការរចនាលំនៅដ្ឋានដ៏ប្រណិតដោយក្តាប់យកបាននូវពានរង្វាន់ពីរប្រភេទសំខាន់ៗនោះគឺ៖ ការអភិវឌ្ឍន៍លំនៅដ្ឋានល្អបំផុត (អាស៊ី) Best Residential Development (Asia) និងការរចនាលំនៅដ្ឋានល្អបំផុត (អាស៊ី) Best Housing Landscape Design (Asia)។

ឆ្លងកាត់ការវាយតម្លៃដោយគណៈកម្មការវិនិច្ឆ័យជំនាញដែលមានការត្រួតពិនិត្យ និងពិចារណាលើស្តង់ដារមាសក្នុងវិស័យអចលនទ្រព្យ ពានរង្វាន់ទាំងពីរនេះបានបន្ថែមទៅលើពានរង្វាន់ចំនួន ៤ ដែល Marum Estate ទទួលបានក្នុងខែសីហា ឆ្នាំ ២០២៣ រួមមាន: ការអភិវឌ្ឍន៍ទីក្រុងរណបល្អបំផុត Best Township Development (Cambodia), ការអភិវឌ្ឍន៍សម្រាប់ការប្រើប្រាស់ចម្រុះល្អបំផុត Best Mixed-Use Development (Cambodia), ការរចនាទេសភាពលំនៅដ្ឋានផ្ទះល្អបំផុត Best Housing Landscape Design (Cambodia), ការរចនាស្ថាបត្យកម្មលំនៅដ្ឋានល្អបំផុត Best Housing Architectural Design ( Cambodia)។

លោក Ng Aung San ស្ថាបនិក និងសហនាយកប្រតិបត្តិនៃក្រុមហ៊ុន ក្រុមហ៊ុន Sir Stamford Raffles (Cambodia) Co. Ltd., បានគូសបញ្ជាក់ថា ពានរង្វាន់ទាំងនេះបានបញ្ជាក់ពីការប្តេជ្ញាចិត្តរបស់ក្រុមហ៊ុនក្នុងការកំណត់ស្តង់ដារថ្មីនៅក្នុងប្រទេសកម្ពុជា និងបានបង្ហាញពីយុគសម័យថ្មីនៃការរចនាផ្ទះស្ថាបត្យកម្ម និងលំនៅដ្ឋានប្រជាជនកម្ពុជាប្រាថ្នាចង់បាន។ លោកបានបន្ថែមថា លោករីករាយដែលបានដាក់ប្រទេសកម្ពុជានៅលើផែនទីតំបន់។

ជាមួយគ្នានេះដែរ លោកស្រី Phebe Len ជាស្ថាបនិក និងជា CEO នៃក្រុមហ៊ុន បានដាក់ចេញនូវចក្ខុវិស័យ យ៉ាងទូលំទូលាយសម្រាប់គម្រោង Marum Estate ដើម្បីផ្ដល់ភាពងាយស្រួលដល់ម្ចាស់ហាង អ្នកជួល- សិស្សនិស្សិត អ្នកជំងឺ គ្រួសារ អ្នកផ្តល់សាវាអប់រំ ការថែទាំសុខភាព និងសេវាកម្មផ្សេងៗទៀតសម្រាប់ ភ្ញៀវទេសចរ ទាំងក្មេង និងចាស់ – ដើម្បីទទួលបាននូវការរស់នៅ កម្សាន្ត ការអប់រំដ៏សម្បូរបែប និងការងារឱ្យកាន់តែប្រសើរឡើងឱ្យស្របតាមគោលការណ៍របស់ខ្លួន « Life Elevated» ។

………………………………………………………………………….

អំពីគម្រោង Marum Estate

ជាគម្រោងវិនិយោគអចលនទ្រព្យដ៏ល្បីល្បាញនៅក្នុងប្រទេសកម្ពុជា ដោយមានការគាំទ្រខ្លាំងពីអតិថិជន។ Marum Estate គឺជាគម្រោងអភិវឌ្ឍន៍ទីប្រជុំជន និងតំបន់ពាណិជ្ជកម្ម ដែលបានគ្រោងទុកយ៉ាងល្អិតល្អន់ ដែលមានទីតាំងស្ថិតនៅក្នុងតំបន់យុទ្ធសាស្រ្តប៉ែកខាងត្បូងនៃខេត្តកណ្តាល និងជាចំណុចប្រសព្វនៃច្រកសេដ្ឋកិច្ចរបស់អាកាសយានដ្ឋានអន្តរជាតិថ្មីតេជោក្រុងតាខ្មៅ ដែលជាអាកាសយានដ្ឋានថ្នាក់ 4F ត្រូវបានគេកំណត់ថាជាមជ្ឈមណ្ឌលដឹកជញ្ជូនអន្តរជាតិដ៏ធំនិងសំខាន់មួយ។

គម្រោងនេះស្ថិតនៅលើផ្លូវជាតិលេខ២ ក្នុងទឹកដីនៃទន្លេបាទីមានចំងាយត្រឹមតែ ១២គីឡូម៉ែត្រ ពីអាកាសយានដ្ឋានអន្តរជាតិថ្មី។ ជាការតភ្ជាប់បានដ៏ប្រសើររវាងផ្លូវជាតិលេខ២, លេខ៣ ផ្លូវក្រវ៉ាត់ក្រុងទី៣ និងផ្លូវក្រវ៉ាត់ក្រុងទី៤ ដែលបានគ្រោងទុក។

Marum Estate ក៏ជាម្ចាស់ផ្ទះនៃការលក់រាយអន្តរជាតិ ទាំងក្នុង និងក្រៅស្រុក ដោយមានការផ្តល់ជូន F&B នៅជុំវិញអាកាសយានដ្ឋានអន្តរជាតិថ្មីដែលគ្រោងនឹងបើកដំណើរការនៅដើមឆ្នាំ២០២៥។ នេះជាពេលវេលាដ៏ល្អឥតខ្ចោះជាមួយនឹងការប្រគល់ Marum Estate Phase One ។

ដោយផ្តល់អាទិភាពដល់ការរស់នៅ សុវត្ថិភាព និងឯកជនភាព ភាពងាយស្រួល ទំនើប និងមានការរចនាស្ថាបត្យកម្មដោយបានរួមបញ្ចូលគ្នាយ៉ាងល្អឥតខ្ចោះនូវធាតុផ្សំដែលមិនចេះចប់មិនចេះហើយ បូករួមជាមួយសហសម័យទាំងអស់ដែលរួមបញ្ចូលនៅក្នុងទេសភាព និងសួនច្បារដ៏ខៀវស្រងាត់ដែលភ្ជាប់ដោយមហាវិថី និងផ្លូវដើរមានភាពងាយស្រួលសម្រាប់អ្នកថ្មើរជើង។

អំពីក្រុមហ៊ុន Sir Stamford Raffles ( Cambodia) Co. Ltd.

មានទីស្នាក់ការនៅប្រទេសសាំងហ្គាពួរ ក្រុមហ៊ុន Sir Stamford Raffles ( Cambodia) Co. Ltd ត្រូវបានបង្កើតឡើងដោយក្រុមពាណិជ្ជករ អ្នកអភិវឌ្ឍគម្រោងអចលនទ្រព្យ ពីប្រទេសសាំងហ្គាពួរដែលចែករំលែកនូវគោលបំណងឯកវចនៈនៃការបង្កើតប្រកបដោយនិរន្តរភាពនៃតម្លៃសេដ្ឋកិច្ច និងសង្គម ពិសេសនៅទីផ្សារក្នុងតំបន់ដែលសម្បូរទៅដោយឱកាសថាមវន្តនៅទូទាំងអាស៊ី។ ស្ថាបនិករបស់ក្រុមហ៊ុននេះដឹកនាំក្រុមស្ថាបត្យករ អ្នករចនាផ្ទៃខាងក្នុង អ្នកសាងសង់ និងនាយកប្រតិបត្តិជាន់ខ្ពស់ដែលត្រូវបានជ្រើសរើសសម្រាប់កំណត់ និងផ្តល់នូវការរចនាលំនៅដ្ឋានប្រណីត បដិសណ្ឋារកិច្ច និងពាណិជ្ជកម្មនៅកម្រិតខ្ពស់បំផុតនៅទូទាំងអាស៊ី។