ឆមាសទី១-២០២៣ កម្ពុជានាំចូលបរិក្ខាសំណង់បាន ៩២១លានដុល្លារ ថយចុះ៦,៣%

• 5 ខែ​តុលា 2023
• Uncategorized
• 11 មើល

ក្នុងរយៈពេល ៦ខែ កម្ពុជានាំចូលបរិក្ខាសំណង់ មានទឹកប្រាក់ ៩២១លានដុល្លារ ថយចុះ ៦,៣ភាគរយ ធៀបនឹងរយៈពេលដូចគ្នាឆ្នាំមុន។ នេះបើតាមរបាយការណ៍ ក្រសួងសេដ្ឋកិច្ច និងហិរញ្ញវត្ថុ។

ក្រសួងលើកឡើងក្នុងរបាយការណ៍ថា គម្រោងសាងសង់ដែលទទួលបានការអនុញ្ញាតសាងសង់ ចំនួន ១.៨៤៩គម្រោង ធ្លាក់ចុះ ១៥១គម្រោង ស្មើនឹង ៧,៦ភាគរយ ដែលមានផ្ទៃក្រឡាសាងសង់សរុប ៦,៨លានម៉ែត្រការ៉េ កើនឡើង ១៣៨ភាគរយ និងទំហំវិនិយោគកើនដល់ ២.៧៥៩ លានដុល្លារ កើនឡើង ១២៨ភាគរយ។

ក្រសួងបញ្ជាក់ថា៖ នាបរិបទនៃគន្លងប្រក្រតីភាពថ្មីនេះ វិស័យសំណង់កំពុងមានស្ថានភាពងើបឡើងវិញ បើទោះបីជាចំនួននៃគម្រោងធ្លាក់ចុះ ប៉ុន្តែទំហំផ្ទៃក្រឡានិងទឹកប្រាក់សាងសង់បានបង្ហាញសញ្ញាវិជ្ជមានច្រើន ដែលមានន័យថា គម្រោងដែលបានសាងសង់នាមួយរយៈចុងក្រោយនេះ ភាគច្រើនជាគម្រោងអភិវឌ្ឍន៍ខ្នាតធំ”។

• Business and Market