ជប៉ុន និងសិង្ហបូរី គ្រោងសាងសង់អគារអភិវឌ្ឍចម្រុះខ្នាតយក្សជាប់ស្ថានីយរថភ្លើងដំបូងបង្អស់នៅហ្សាការតា

• 20 ខែ​មេសា 2021
• ព័ត៌មានសំណង់
• 9 មើល

រូបភាពដោយ៖ GCR

ក្រុមហ៊ុនជប៉ុន Mitsubishi និងក្រុមហ៊ុនអភិវឌ្ឍន៍របស់សិង្ហបុរី Surbana Jurong នឹងរួមគ្នាសាងសង់អគារអភិវឌ្ឍន៍ចម្រុះខ្នាតយក្សដំបូងបង្អស់មួយនៅទីក្រុងហ្សាការតា នៃប្រទេសឥណ្ឌូនេស៊ី។ នេះបើយោងតាមសារព័ត៌មាន Global Construction Review កាលពីពេលថ្មីៗនេះ។

គម្រោងនេះ នឹងត្រូវអភិវឌ្ឍលើផ្ទៃដីប្រមាណ ៦ហិកតា ភ្ជាប់ទៅនឹងស្ថានីយរថភ្លើង Cisauk ក្នុងសង្កាត់ Intermoda នៃតំបន់ Bumi Serpong Damai (BSD) ប្រទេសឥណ្ឌូនេស៊ី។

គម្រោងអភិវឌ្ឍន៍ដ៏ធំសម្បើមនេះ នឹងត្រូវសាងសង់ឡើងក្រោមការបណ្តាក់ទុនរួមគ្នាមួយរវាងជប៉ុន និងសិង្ហបូរី ប្រមាណ ១៥០លានដុល្លារ ដែលការដ្ឋានសាងសង់គ្រោងនឹងចាប់ផ្តើមនៅឆ្នាំ ២០២២ នេះ។

អគារអភិវឌ្ឍន៍ចម្រុះខ្នាតយក្សនេះ ត្រូវបានរចនាឡើង ដើម្បីកាត់បន្ថយការកកស្ទះពីតំបន់ Bumi Serpong Damai រហូតដល់កណ្ដាលក្រុងហ្សាការតា។

ក្រៅពីការអភិវឌ្ឍអគារ ក្រុមហ៊ុនក៏នឹងលើកកម្ពស់ផ្លូវថ្មើរជើងពីស្ថានីយ Cisauk ដោយនឹងសាងសង់ជាផ្សារទំនើប តូបលក់អាហារ និងភេសជ្ជៈនានាផងដែរ។

លើសពីនេះ ក្រុមហ៊ុន២ ផ្សេងទៀត គឺក្រុមហ៊ុន Mitbana និងក្រុមហ៊ុន Sinarmas ក៏គ្រោងនឹងបង្កើតជាលំហរបៃតងនៅលើផ្ទៃដី ១០០ ហិកតានៅក្នុងតំបន់ Bumi Serpong Damai នេះផងដែរ។

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន