តម្លៃដីធ្លីនៅតំបន់ខ្លះក្នុងខេត្តព្រះសីហនុនៅតែរក្សាបានការហក់ឡើងខ្ពស់ជាងគេ

• Proeksa Meas
• 17 ខែ​កក្កដា 2019
• ព័ត៌មានអចលនទ្រព្យ
• 84 មើល

តម្លៃដីធ្លីនៅក្នុងតំបន់ខ្លះក្នុងខេត្តព្រះសីហនុនៅតែរក្សាបានការហក់ឡើងយ៉ាងខ្លាំងរហូតដល់ជាង៩០ភាគរយក្នុងរយៈពេល៦ខែដំបូងនៃឆ្នាំ២០១៩ នោះគឺសង្កាត់ ៣ និងជាង ៦៤.៥ភាគរយសម្រាប់សង្កាត់ ១ នេះបើយោងតាមរបាយការណ៍ចេញផ្សាយដោយក្រុមហ៊ុនអចលនទ្រព្យ Key Real Estate កាលពីពេលថ្មីៗនេះ។

ជាមួយនឹងសន្ទុះនៃការអភិវឌ្ឍន៍យ៉ាងខ្លាំងក្នុងខេត្តព្រះសីហនុ តម្លៃដីធ្លីក្នុងសង្កាត់៣បានកើនឡើងយ៉ាងខ្លាំងក្នុងរយៈពេល៦ខែដំបូងនៃឆ្នាំ ២០១៩ បើធៀបទៅនឹងរយៈពេលដូចគ្នាក្នុងឆ្នាំ ២០១៨ ដោយបានកើនឡើង៩០.៩ភាគរយ ពីតម្លៃជាង ៨០០ ដុល្លារអាមេរិកក្នុងមួយម៉ែត្រការ៉េ ដល់ជាង ១,៦០០ ដុល្លារអាមេរិកក្នុងមួយម៉ែត្រការ៉េ។

ចំពោះសង្កាត់១វិញ តម្លៃមានការប្រែប្រួលពីជាង ២០០ ដុល្លារអាមេរិកក្នុងមួយម៉ែត្រការ៉េក្នុងឆ្នាំ២០១៨ ដល់ទៅជាង ៤០០ដុល្លារអាមេរិក ក្នុងមួយម៉ែត្រការ៉េ ក្នុងឆ្នាំ ២០១៩ ដែលនេះ គឺប្រែប្រួលប្រមាណជា ៦៤.៥ភាគរយ។

បើទោះបីជារក្សាបានតម្លៃខ្ពស់ជាងគេក្នុងចំណោមសង្កាត់ទាំងអស់ក៏ពិតមែន តែតម្លៃដីក្នុងសង្កាត់២ មានការកើនឡើងត្រឹម១៥.២ភាគរយពីតម្លៃជាង ១,៦០០ ដុល្លារអាមេរិកក្នុងមួយម៉ែត្រការ៉េទៅជាង ១,៨០០ ដុល្លារអាមេរិកក្នុងមួយម៉ែត្រការ៉េ។

រីឯសង្កាត់ ៤ វិញគឺមានការប្រែប្រួល ៥.៩ ភាគរយ ពីតម្លៃជាង ១,២០០ ដុល្លារអាមេរិក ក្នុងមួយម៉ែត្រការ៉េ ទៅជាង ១,៤០០ ដុល្លារអាមេរិក ក្នុងមួយម៉ែត្រការ៉េ។

ក្រៅពីខេត្តព្រះសីហនុ តម្លៃដីធ្លីក្នុងរាជធានីភ្នំពេញបានកើនឡើងខ្ពស់បំផុត គឺចំនួន ២៧.៣ ភាគរយ សម្រាប់ដីក្នុងតំបន់ខណ្ឌព្រែកភ្នៅ និងខេត្តសៀបរាបវិញបានកើនឡើងខ្ពស់បំផុត ២០ ភាគរយ សម្រាប់តំបន់ I។

សូមមើលតារាងខាងក្រោមសម្រាប់ព័ត៌មានលម្អិត។