តំបន់រមណីយដ្ឋានរបស់អាស៊ានបើកចំហជើងមេឃ

• Proeksa Meas
• 27 ខែ​សីហា 2016
• ព័ត៌មានអចលនទ្រព្យ
• 113 មើល

ការធ្វើឲ្យ​ប្រសើរ​នូវ​អាកាសយានដ្ឋាន និង​សំណង់​ថ្មីៗ កំពុងតែ​កើត​ឡើង​នៅ​ទូទាំង​តំបន់​រមណីយដ្ឋាន​កំពូលៗ​របស់​អាស៊ាន ដើម្បី​បង្កើន​ចំនួន​ភ្ញៀវទេសច​រណ៍ និង​ជំរុញ​ទីផ្សារ​អចលនទ្រព្យ​របស់​ពួកគេ​។​

​បើ​យោងតាម​របាយការណ៍​អចលនទ្រព្យ និន្នាការ​នេះ​មាន​គោលបំណង​ដើម្បី​នាំនូវ​ផលប្រយោជន៍​ជា​វិជ្ជមាន​សម្រាប់​ក្នុង​ស្រុក និង​ក្នុង​តំបន់​។ ការចូល​មក​កាន់​តំបន់​យ៉ាង​ងាយស្រួល និង​ការយល់ដឹង​ពី​តំបន់​តាមរយៈ​ការតភ្ជាប់​ដែល​ល្អប្រសើរ​ជាង​មុន មាន​តួនាទី​ជា​កាតាលីករ​សម្រាប់​ការវិនិយោគ​ក្នុង​ស្រុក និង​ការងារ​នៅ​ក្នុង​ហេដ្ឋារចនាសម្ព័ន្ធ និង​សេវាកម្ម​ទេសចរណ៍​ដែល​ល្អ​ប្រសើរ​ឡើង​។ ជា​លទ្ធផល តម្លៃ​ដីធ្លី​កើនឡើង ហើយ​រមណីយដ្ឋាន​ល្បីៗ​ជា​អន្តរជាតិ​ស្វែងរក​អចលនទ្រព្យ​ដើម្បី​ធ្វើ​ការអភិវឌ្ឍ​។