ត្រីមាសទី២ ឆ្នាំ២០២២ តម្លៃផ្ទះ ធ្លាក់ចុះ បើធៀបទៅនឹងត្រីមាសទី១ ឆ្នាំ២០២២

• Sommana Yan
• 11 ខែ​កក្កដា 2022
• ព័ត៌មានអចលនទ្រព្យ
• 305 មើល

ត្រីមាសទី២ ឆ្នាំ២០២២ នេះ តម្លៃអចលនទ្រព្យជាផ្ទះ បួនប្រភេទ បានធ្លាក់ចុះ បើធៀបទៅនឹងត្រីមាសទី១ ឆ្នាំ២០២២។ នេះបើតាមសិក្ខាសាលារៀបចំឡើងដោយ CBRE Cambodia កាលពីថ្ងៃទី៧ ខែកក្កដា ឆ្នាំ២០២២។

ក្នុងត្រីមាសទី២នេះ តម្លៃផ្ទះល្វែង បានធ្លាក់ចុះ ២,៧% ដែលតម្លៃជាមធ្យមចន្លោះពី៥០០ ដល់១០០០ ដុល្លារអាមេ​រិ​ក ក្នុង១ ម៉ែត្រក្រឡា។

ចំណែកតម្លៃផ្ទះវីឡាកូនកាត់វិញ បានធ្លាក់ចុះ ២% ដែលមានតម្លៃជាមធ្យមចន្លោះពី៥០០ ដល់១០០០ ដុល្លារអាមេ​រិ​ក ក្នុង១ ម៉ែត្រក្រឡា។

ខណៈនេះផងដែរ តម្លៃផ្ទះអាជីវកម្ម បានធ្លាក់ចុះ ១,៧% ដែលមានតម្លៃជាមធ្យមចន្លោះពី១០០០ ដល់១៥០០ ដុល្លារអាមេរិក ក្នុង១ ម៉ែត្រក្រឡា។

ចុងក្រោយនោះ គឺផ្ទះវីឡាភ្លោះ បានធ្លាក់ចុះច្រើនជាងគេរហូតដល់ទៅ ៤,៩% ដែលមានតម្លៃជាមធ្យមចន្លោះ​ពី១០០០ ដល់ ១៥០០ដុល្លារអាមេរិក ក្នុង១ម៉ែត្រក្រឡា។

យ៉ាងណាមិញ ចំនួនផ្ទះនៅក្នុងទីក្រុងភ្នំពេញ ប្រមាណជាង ១៧០០ខ្នង ត្រូវបានសាងសង់រួចរាល់ក្នុងត្រីមាសទី២ ឆ្នាំនេះ ដែលស្មើនឹង ៣៧%នៃចំនួនផ្ទះ សរុបដែលគេបានគ្រោងទុកសម្រាប់ការផ្គត់ផ្គង់ឆ្នាំ២០២២។