ត្រឹមឆ្នាំ២០២២ អាជ្ញាធរខេត្តព្រៃវែងសង់ផ្លូវជាតិ-ខេត្ត ៤៣ខ្សែ ប្រវែងជាង ៨៥២គ.ម

• 23 ខែ​មីនា 2023
• ព័ត៌មានក្នុងស្រុក
• 6 មើល

ខេត្តព្រៃវែងមានផ្លូវជាតិ និងផ្លូវខេត្តសរុប ៤៣ខ្សែ ប្រវែងជាង ៨៥២គីឡូម៉ែត្រ ខណៈផ្លូវជនបទមាន ១.០៩៧ខ្សែ ប្រវែង ៣៥៧០គីឡូម៉ែត។ នេះបើតាមសន្និសីទ​សារព័ត៌មាន ស្ដីពី “ភាព​ជោគជ័យ​ក្នុង​រយៈពេល៥​ឆ្នាំ​កន្លង​មក​” របស់​រដ្ឋបាល​ខេត្ត​ព្រៃវែង កាលពីថ្ងៃទី២២ ខែមីនា ឆ្នាំ២០២៣។

ក្នុងនោះ ខេត្តមានផ្លូវជាតិចំនួន ៦ខ្សែ ប្រវែង ២១៤,២៤គីឡូម៉ែត្រ និងមានផ្លូវខេត្តចំនួន ៣៧ខ្សែ មានប្រវែង ៦៣៨,១៨គីឡូម៉ែត្រ។

ទន្ទឹមនឹងនេះផងដែរ ខេត្តក៏មានផ្លូវជនបទ ដែលជាសរសៃឈាមសេដ្ឋកិច្ចដ៏សំខាន់បានតភ្ជាប់ពីក្រុង/ស្រុក ទៅកាន់បណ្តាឃុំ/សង្កាត់មានប្រវែងសរុប ១.០៩៧ខ្សែ ប្រវែង ៣.៥៧០គីឡូម៉ែត។

គួរបញ្ជាក់ថា ក្រៅពីការកសាងផ្លូវ ខេត្តក៏មានស្ពានបេតុងចំនួន ១២៩កន្លែង ប្រវែង ៦.៦១៣ម៉ែត្រ ស្ពានបេឡេត៍ចំនួន ០២កន្លែង ប្រវែង១១៧ម៉ែត្រ ស្ពានខ្សែកាបចំនួន ០១កន្លែង ប្រវែង ២២១៥ម៉ែត្រ។

ចំពោះការងារសាធារណការ និងអភិវឌ្ឍន៍ជនបទវិញ ៥ឆ្នាំកន្លងមកនេះ ខេត្តព្រៃវែងបានស្ថាបនាផ្លូវក្រាលកៅស៊ូប្រវែង ២២៨,៧៧គីឡូម៉ែត្រ​ ផ្លូវបេតុងប្រវែង ២៣,៥១គ.ម ផ្លូវដីល្បាយថ្ម ក្រាលគ្រួសក្រហម និងខ្សាច់ភ្នំប្រវែង ៤៧១,៩៨គ.ម ស្ពាន២០កន្លែង ប្រវែង ៥៩៤ម៉ែត្រ លូមូលបណ្តោយផ្លូវប្រវែង ៥,៣៦គ.ម ដោយប្រើប្រាស់ថវិកាអស់ប្រមាណជាង ១៣៥,៦៦លានដុល្លារអាមេរិក។

• Road and Infrastructure