ទីក្រុងបៃតងរបស់ហ្វីលីពីនទាក់ទាញការចាប់អារម្មណ៍ពីអន្តរជាតិ

Proeksa Meas
3 ខែតុលា 2016
ព័ត៌មានអចលនទ្រព្យ
107 មើល

ផែនការអភិវឌ្ឍន៍ “ទីក្រុងបៃតងប្រកបដោយនិរន្តរភាព” ដែលនៅឆ្ងាយពីទីក្រុងម៉ានីលដែលមានតែការកកស្ទះនៅក្នុងប្រទេសហ្វីលីពីន កំពុងទាក់ទាញការចាប់អារម្មណ៍ពីវិនិយោគិនអន្តរជាតិធំៗមួយចំនួន។

គម្រោង Clark Green City ដែលមានទំហំ ៩,៤៥០ ហិកតា និងមានទីតាំងស្ថិតនៅចម្ងាយ ៨០គីឡូម៉ែត្រ ពីរដ្ឋធានី នៅខេត្ត Tarlac កំពុងត្រូវបានផ្សព្វផ្សាយដោយអាជ្ញាធរមូលដ្ឋាននៃការអភិរក្ស និងអភិវឌ្ឍន៍ (BCDA) របស់រដ្ឋ ថាជាជម្រើសនៃការរស់នៅ និងមជ្ឈមណ្ឌលពាណិជ្ជកម្មសម្រាប់ទីក្រុងម៉ានីល។

អលនទ្រព្យឧស្សាហកម្មដំណាក់កាលទី១ ដែលមានទំហំ ២៨៨ហិកតា គឺជាគម្រោងដែលមានការចាប់អារម្មណ៍វិនិយោគពីក្រុមហ៊ុនជប៉ុនរួមមាន ក្រុមហ៊ុន Hitachi ក្រុមហ៊ុន Mitsubishi ក្រុមហ៊ុន Mitsui ក្រុមហ៊ុន Sojitz និងក្រុមហ៊ុន Sumitomo។ ក្រុមហ៊ុនបារាំង និងអាល្លឺម៉ង់ក៏បានសម្តែងការចាប់អារម្មណ៍លើគម្រោងនេះផងដែរ។

សាកលវិទ្យាល័យហ្វីលីពីន វិទ្យាល័យវិទ្យាសាស្ត្រហ្វីលីពីន និងសាកលវិទ្យាល័យបច្ចេកទេសហ្វីលីពីន សុទ្ធតែបានបញ្ជាក់ថានឹងបង្កើតសាខារបស់ខ្លួននៅក្នុងទីក្រុងនេះ។

- Video Advertisement -