ទីផ្សារម៉ាឡេស៊ីបន្តធ្លាក់ចុះ

• Proeksa Meas
• 15 ខែ​មករា 2018
• ព័ត៌មានអចលនទ្រព្យ
• 179 មើល

បន្ទាប់ពីរយៈពេលមួយឆ្នាំនៃការធ្លាក់ចុះនៃតម្លៃរហូត អចលនទ្រព្យនៅម៉ាឡេស៊ីនឹងបន្តឈានទៅដល់កម្រិតទាបបំផុតមុននឹងមានស្ថិរភាពនៅចុងក្រោយ។

យោងតាមរបាយការណ៍ Property​Guru Outlook Report ឆ្នាំ២០១៨ ដែលចេញផ្សាយកាលពីខែវិច្ឆិកា លក្ខណៈទីផ្សារម៉ាឡេស៊ីនៅឆ្នាំ២០១៨ បន្តមានលក្ខណៈមិនច្បាស់លាស់ដោយសារបញ្ហាប្រឈមជុំវិញមួយចំនួន។

តម្លៃបានធ្លាក់ចុះយ៉ាងខ្លាំងនៅតាមតំបន់សំខាន់ៗដូចជា ទីក្រុងគួឡាឡាំពួ ទីក្រុងSelangor និងទីក្រុងប៉េណាង ហើយតួលេខប្រតិបត្តិការបង្ហាញនូវភាពស្ងប់ស្ងៀមមិនសូវមានសកម្មភាព។

ទោះបីជាសេដ្ឋកិច្ចរបស់ប្រទេសម៉ាឡេស៊ីមានភាពវិជ្ជមានជាទូទៅក៏ដោយ ប្រជាជនភាគច្រើននៅតែមិនអាចមានលទ្ធភាពទិញអចលនទ្រព្យនៅក្នុងទីផ្សារដែលមានអចលនទ្រព្យស្ដង់ដារប្រណិត។ របាយការណ៍នេះបានកត់សម្គាល់ថា តម្លៃអចលនទ្រព្យបច្ចុប្បន្នគឺមានតម្លៃ ៤.៤ដងនៃប្រាក់ចំណូលមធ្យមប្រចាំឆ្នាំរបស់ប្រជាជនម៉ាឡេស៊ី។

ជាក់ស្ដែងតម្លៃផ្ទះនៅទីក្រុងគូឡាឡាំពួ ធ្លាក់ចុះ៣០ភាគរយលើតម្លៃដាក់ស្នើលក់។