ទុនវិនិយោគលើវិស័យសំណង់ក្នុងឆ្នាំ ២០១៧ មានប្រមាណជាង ៦ពាន់លានដុល្លារ

• 8 ខែ​មករា 2018
• Uncategorized
• 7 មើល

វិស័យឧស្សហកម្មសំណង់ មានការរីកចម្រើនពីមួយទៅមួយឆ្នាំ ហើយវិស័យនេះជាឆ្អឹងខ្នងដ៏សំខាន់ក្នុងការពន្លឿនកំណើនសេដ្ឋកិច្ចរបស់ប្រទេសកម្ពុជា ជាក់ស្តែងទុនវិនិយោគលើវិស័យសំណង់មាន ៦.៤០០ លានដុល្លារអាមេរិកក្នុងឆ្នាំ ២០១៧​ កន្លងទៅថ្មីៗនេះ។ នេះបើយោងតាមរបាយការណ៍លទ្ធផលការងារឆ្នាំ ២០១៧​​ និងទិសដៅការងារឆ្នាំ ២០១៨ របស់ក្រសួងរៀបចំដែនដី នគរូបនីយកម្ម និងសំណង់។ របាយការណ៍ខាងលើបានបង្ហាញថា ទុនវិនិយោគក្នុងឆ្នាំ ២០១៧​ មានកំណើនជិត ២២​​ភាគរយ បើប្រៀបធៀបនឹងឆ្នាំ ២០១៦​​ ហើយបានផ្តល់ឱកាសការងារប្រចាំថ្ងៃដល់យុវជនកម្ពុជា ប្រមាណ ២០ម៉ឺននាក់ផងដែរ។ មិនតែប៉ុណ្ណោះ ក្នុងឆ្នាំ ២០១៧​ ដដែលនេះ ក្រសួងបានប្រមូលចំណូលចូលថវិកាជាតិបានជិត ៩៣លានដុល្លារ​​​ ពោលគឺកើនឡើង ២១លានដុល្លារ ធៀបនឹងឆ្នាំ​​២០១៦។​ ជាមួយគ្នានេះដែរ ក្រសួងក៏បាននិងកំពុងពង្រឹងការគ្រប់គ្រងសំណង់ ជាពិសេស សំណង់អគារ ធំខ្ពស់ៗឲ្យអនុវត្តបានត្រឹមត្រូវទៅតាមបទដ្ឋានគតិយុត្ត បច្ចេកទេសបទដ្ឋានខ្ពស់ និងមានអត្តសញ្ញាណវប្បធម៌ជាតិ។