ទំហំកម្ចីទិញផ្ទះមានដល់ ៦,៤ពាន់លានដុល្លារ គិតត្រឹមខែធ្នូ ឆ្នាំ២០២១ កើនឡើង ២៦%

• Me Wathana
• 12 ខែ​កុម្ភៈ 2022
• ព័ត៌មានអចលនទ្រព្យ
• 247 មើល

គិតត្រឹមដំណាច់ឆ្នាំ ២០២១ ទំហំប្រាក់កម្ចីទិញផ្ទះនៅកម្ពុជាមានដល់ ៦,៤ ពាន់លានដុល្លារអាមេរិក ដែលស្មើនឹង៥៤,១៥% នៃសមតុល្យកម្ចីសរុបជាង ១១,៨៩ ពាន់លានដុល្លារ។ នេះបើយោងតាមរបាយការណ៍ក្រុមហ៊ុនក្រេឌីត ប្យួរ៉ូ ខេមបូឌា ខូ អិលធីឌី (CBC) កាលពីថ្មីៗនេះ។

ទំហំប្រាក់កម្ចីទិញផ្ទះនេះមានការកើនឡើង ២៦% បើធៀបនឹងទំហំកាលពីចុងឆ្នាំ២០២០។

របាយការណ៍បានបន្ថែមថា ពាក្យស្នើសុំកម្ចីទិញផ្ទះគិតត្រឹមត្រីមាសទី ៤ ឆ្នាំ ២០២១ មានចំនួន ១៥៩ ៥៧០ ពាក្យ ឬស្មើនឹង ១១,៨២% នៃពាក្យស្នើសុំកម្ចីសរុបចំនួន១,៣៥ លាន។

CBC ក៏បានបន្ថែមថា គុណភាពឥណទាន នៅតែល្អ ដោយអត្រាបង់ប្រាក់យឺតជាងកាលដំណត់លើសពី ៣០ ថ្ងៃ មានត្រឹម ២% ប៉ុណ្ណោះសម្រាប់កម្ចីគ្រប់ប្រភេទ ចំណែកឯ កម្ចីទិញផ្ទះមានត្រឹមប្រមាណ ១% ប៉ុណ្ណោះ។