បុរី ប៉េង ហួត នឹងប្រារព្ធកម្មវិធីសង្គ្រាន្តដ៏ធំ នៅថ្ងៃចូលឆ្នាំខ្មែរ ក្នុងគម្រោងប៉េងហួតបឹងស្នោ

• Sommana Yan
• 3 ខែ​មេសា 2023
• Uncategorized @km
• 305 មើល

ដើម្បីអបអរពិធីបុណ្យចូលឆ្នាំខ្មែរប្រពៃណីជាតិ បុរី ប៉េង ហួត​ នឹងរៀបចំព្រឹត្តិការណ៍ដ៏អស្ចារ្យមួយមានឈ្មោះថា ប៉េង ហួត សង្ក្រាន្ត​ ដែលនឹងប្រព្រឹត្តិឡើងចំនួនបីថ្ងៃ ចាប់ពីថ្ងៃទី ១៤ ១៥ ដល់ ១៦ ខែមេសា ឆ្នាំ២០២៣ នេះ។

កម្មវិធីនេះនឹងចាប់ផ្តើមពីវេលាម៉ោង ៩ព្រឹក រហូតដល់ម៉ោង ៩យប់ ស្ថិតនៅក្នុងបរិវេណសួនបែបអឺរ៉ុប ភីអេច យូរ៉ូផាក ក្នុងគម្រោង បុរី ប៉េង ហួត ហ្គ្រេនស្តាផ្លាទីនីម (បឹងស្នោ) ដែលនឹងនាំមកនូវផ្ទាំងទស្សនីយភាពមហោស្រពសិល្បៈបុរាណ របាំប្រពៃណី រួមទាំងការប្រគុំតន្ត្រីបុរាណ និងសម័យ ការលេងល្បែងប្រជាប្រិយ អមជាមួយនឹងការតុបតែងរចនាបថខ្មែរ និង ភ្លើងបំភ្លឺជាច្រើនពណ៌ស្អាតៗដ៌អស្ចារ្យមិនធ្លាប់មានពីមុនមក។

គួរម្លឹកថា កន្លងមកបុរី ប៉េង ហួត បាននាំមកនូវព្រឹត្តិការណ៍ដ៏អស្ចារ្យជាច្រើនមានដូចជា បុណ្យហាឡូវីន បុណ្យឆ្លងឆ្នាំសកល និងបុណ្យណូអែល ដែលទាក់ទាញអ្នករស់នៅក្នុង និងក្រៅគម្រោងបុរី ប៉េង ហួត ឱ្យមកចូលរួមទស្សនា យ៉ាងច្រើនកុះករប្រមាណជាង ១០ម៉ឺននាក់ នៅបរិវេណសួនសួនអឺរ៉ុប ភីអេច​ យូរ៉ូផាក ក្នុងគម្រោង បុរី ប៉េង ហួត ហ្គ្រេន ស្តាផ្លាទីនីម (បឹងស្នោ)។

សូមបញ្ជាក់ដែរថា ព្រឹត្តិការណ៍ ប៉េង ហួត សង្ក្រាន្ត ក៏បាននាំមកនូវ ស្តង់ផលិតផលជាច្រើនដូចជាស្តង់លក់ម្ហូបអាហារ ភេសជ្ជៈ សេវាកម្ម និង ទំនិញចម្រុះជាច្រើនមុខ។

ដូចនេះសម្រាប់អាជីវករដែលចង់ជួលស្តង់លក់អាហារ ភេសជ្ជៈ វត្ថុអនុស្សាវរីយ និងទំនិញផ្សេងៗអាចទំនាក់ទំនងមកកាន់ ៖ ០១១ ៦៦៦ ០៩៨ /០៩៨ ៦៦៦ ៨២៤ ។

កុំភ្លេចអញ្ជើញចូលរួមទស្សនា​ ដើរញ៉ាំអាហារ ទិញទំនិញ លេងល្បែងប្រជាប្រិយ ការសម្តែងរបាំសិល្បៈបុរាណ របាំប្រពៃណី និងការ​ប្រគុំតន្ត្រីអោយបានច្រើនកុះករ ដើម្បីអបអរពិធីបុណ្យចូលឆ្នាំខ្មែរប្រពៃណីជាតិ។