ប្រទេសថៃកំពុងប្រឈមនឹងការផ្គត់ផ្គង់ខុនដូលើសតម្រូវការ

• Proeksa Meas
• 19 ខែ​មីនា 2018
• ព័ត៌មានអចលនទ្រព្យ
• 99 មើល

ខុនដូនៅប្រទេសថៃចំនួនជាង ៤៥.០០០ ខុនដូកំពុងប្រឈមនឹងបញ្ហាលក់មិនទាន់ចេញ បើយោងតាមរបាយការណ៍របស់អ្នកវិភាគ Colliers International និងរាយការណ៍របស់សារព័ត៌មានBangkok Post នៅលើទីផ្សារអចលនទ្រព្យនៅឆ្នាំ 2017 ។

ដោយសារតែតម្រូវការរបស់អ្នកអភិវឌ្ឍន៍ក្នុងការចុះបញ្ជីរកើនឡើងជារៀងរាល់ត្រីមាសបានជំរុញឱ្យពួកគេត្រូវតែបន្តសាងសង់ទោះបីជាការលក់មិនសូវល្អក៏ដោយ នេះជាហេតុធ្វើអោយមានការផ្គត់ផ្គង់លើសតម្រូវការ។

លោក Ratchaphum Jongpakdee អ្នកគ្រប់គ្រងទូទៅនៃក្រុមហ៊ុន Colliers International Thailand បានមានប្រសាសន៍ថា

“មូលហេតុសំខាន់គឹដោយសារថា ក្រុមហ៊ុនអ្នកអភិវឌ្ឍន៍ភាគច្រើនព្យាយាមលក់ឱ្យអ្នកទិញ និង វិនិយោគិនបរទេសជាជាងលក់ទៅឱ្យអ្នកទិញនៅក្នុងស្រុក ហើយលក់តម្លៃខ្ពស់ជាងតម្លៃទីផ្សារបើវាស់តាមទីតាំង”។

លើសពីនេះ មានគម្រោងខុនដូជាច្រើនដែលបានបើកដំណើរការកាលពីប៉ុន្មានខែមុននេះ ដែលលើសពីតម្រូវការ។

ក្នុងនោះដែរ បើតាមការប៉ាន់ប្រមាណ នឹងខុនដូមានចំនួនជាង ៥៥.០០០ ទៅ ៦៥.០០០ យូនិតនឹងកើនឡើងបន្ថែមទៀតក្នុងទីផ្សារឆ្នាំ ២០១៨ ដែលនឹងធ្វើអោយបញ្ហាការផ្គត់ផ្គង់លើសតម្រូវការរឹតតែធ្ងន់ធ្ងរ។