ផ្លូវជាតិលេខ៨ ប្រវែង៥៥គម ពីស្ពានព្រែកតាមាក់ដល់ស្វាយអន្ទរ បើកការដ្ឋានពង្រីកហើយ

• 14 ខែ​កុម្ភៈ 2022
• Uncategorized
• 7 មើល

រដ្ឋបាលខេត្តកណ្តាល បានបើកការដ្ឋានសាងសង់ កែលម្អ និងពង្រីកផ្លូវសំខាន់ៗ ២ ខ្សែ គឺផ្លូវជាតិលេខ ៨ ចាប់ពីរង្វង់មូលស្ពានព្រែកតាមាក់ ដល់រង្វង់មូលស្វាយអន្ទរ និងកំណាត់ផ្លូវលេខ៧០B។

ពិធីបើកការដ្ឋានសាងសង់ផ្លូវនេះ ធ្វើឡើងកាលពីថ្ងៃទី១២ខែកុម្ភៈ ក្រោមអធិបតីយភាពអគ្គបណ្ឌិតសភាចារ្យ អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។

កំណាត់ផ្លូវជាតិលេខ ៨ មានប្រវែង ៥៥គម ដោយគ្រោងចំណាយថវិកា ១២ លានដុល្លារអាមេរិក ខណៈកំណាត់ផ្លូវជាតិលេខ ៧០B មានប្រវែង២ ០០០ម៉ែត្រ និង ទទឹង ១០ម៉ែត្រ ដោយគ្រោងចំណាយថវិការជាង ២ លានដុល្លារ។

ក្រៅពីបើកការដ្ឋានសាងសង់ផ្លូវទាំង ២ រដ្ឋបាលខេត្តក៏បានសម្ពោធដាក់ឱ្យប្រើប្រាស់សួនច្បារ និងផ្លូវបេតុងអាមេប្រវែង២,៤០០ម៉ែត្រ ក្នុងភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល ផងដែរ។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍