ផ្សារទំនើបថ្មី ៤កន្លែង បើកដំណើរការនៅត្រីមាសទី១ ទោះទីផ្សារប៉ះពាល់ខ្លាំងពីវិបត្តិកូវីដក្ដី

• Sommana Yan
• 7 ខែ​មេសា 2021
• ព័ត៌មានអចលនទ្រព្យ
• 62 មើល

ក្នុងអំឡុង ៣ខែដំបូងនៃឆ្នាំ ២០២១ នេះ មានផ្សារទំនើបថ្មី ៤កន្លែង បានបញ្ចប់ការសាងសង់ និងបើកដំណើរការ ទោះបីទីផ្សារកំពុងប៉ះពាល់ខ្លាំងពីវិបត្តិកូវីដក្ដី។ នេះបើយោងតាមរបាយការណ៍របស់ CBRE Cambodia កាលពីថ្មីៗនេះ។

របាយការណ៍ដដែលនេះ បានឱ្យដឹងទៀតថា ការបញ្ចប់ការដ្ឋានសាងសង់នេះ គឺស្របនេះដែរទីផ្សារកំពុងដាំក្បាលចុះដោយសារព្រឹត្តិការណ៍ ២០ កុម្ភៈ។ បើយោងតាម Google Mobility Tracker ស្ថានភាពទីផ្សារទំនើបនៅកម្ពុជា ត្រឹមចុងខែមីនា នេះ ស្ថិតនៅកម្រិតជិត -៥០% ក្រោមបន្ទាត់គោលមុនព្រឹត្តិការណ៍ ២០ កុម្ភៈ ឯណោះ។

ផ្សារទំនើបទាំង ៤ កន្លែងនេះ រួមមាន ផ្សារទំនើប Green Avenue នៅខណ្ឌសែនសុខ ផ្សារទំនើប TK Central នៅទួលគោល ផ្សារទំនើប View Park Mall នៅខណ្ឌដូនពេញ និង Boeung Snor Food Village នៅច្បារអំពៅ។

ផ្សារទំនើបទាំង ៤ នេះបានបន្ថែម ផ្ទៃក្រឡាផ្គត់ផ្គត់សរុប ២៨ ០០០ ម៉ែត្រការ៉េ ទៅក្នុងទីផ្សារ។ ផ្ទៃក្រឡានេះ គឺស្មើនឹង ១៩% នៃផ្ទៃក្រឡាដែលរំពឹងទុកសម្រាប់ឆ្នាំ ២០២១ ពោលគឺប្រមាណជិត ១៥០ ០០០ ម៉ែត្រការ៉េ។

គួរបញ្ជាក់ផងដែរថា ការផ្គត់ផ្គត់ផ្សារទំនើបត្រូវបានព្យាករថានឹងកើនទៅដល់ប្រមាណ ១លានម៉ែត្រ នៅឆ្នាំ ២០២៥។ ការកើនឡើងនេះ បានក្លាយជាក្ដីបារម្ភមួយយ៉ាងធំ ថាផ្សារទំនើបនឹងមានច្រើនហួសតម្រូវការ។ (អានបន្ថែម ឬ ទស្សនាវីដេអូ)។