ផ្សារទំនើប ជីប ម៉ុង ២៧១ មេហ្គា ម៉ល សម្ពោធបើកកម្មវិធីថ្មី Mega អស្ចារ្យ និងប្រគល់រង្វាន់ធំឡានថ្មី១គ្រឿងដល់អតិថិជន

27 ខែឧសភា 2024
Uncategorized @km
13 មើល

ប្រូម៉ូសិន Mega Celebration ទើបតែបានបញ្ចប់កាលពីខែ៤កន្លងទៅនេះ និងបានរកឃើញអតិថិនដែលមានសំណាងបានក្លាយខ្លួនជាម្ចាស់រថយន្ត Mitsubishi ដ៏ថ្មីស្រឡាងមួយគ្រឿង ខណៈកន្លងមកមិនធ្លាប់មានផ្សារទំនើបណាមួយហ៊ានផ្ដល់ជូនវង្វាន់ធំបែបពីមុនមកទេ។ រង្វាន់ដ៏ធំមិនធ្លាប់មាននេះ ត្រូវបានប្រគល់ជូនម្ចាស់ជ័យលាភីដោយផ្ទាល់ក្នុងកម្មវិធីសម្ពោធប្រម៉ូសិនថ្មី Mega អស្ចារ្យ នៅថ្ងៃទី ២៦ ខែឧសភា ឆ្នាំ២០២៤ ក្នុងផ្សារទំនើប ជីប ម៉ុង ២៧១ មេហ្គា ម៉ល នេះតែម្តង។

កម្មវិធីដ៏វិសេសអស្ចារ្យខាងលើនេះ ត្រូវបានប្រារព្ធឡើងក្រោមវត្តមានថ្នាក់ដឹកនាំកំពូលៗនៃក្រុមហ៊ុន ជីប ម៉ុង ជាច្រើនរូបដូចជា លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង, លោកអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ជីប ម៉ុង, លោកជំទាវ តែ សុវណ្ណី ជាអគ្គនាយិការពហុពាណិជ្ជកម្ម ក្រុមហ៊ុន ជីប ម៉ុង, លោកជំទាវ លី សុខឆេង អគ្គនាយិកាក្រុមហ៊ុន ជីប ម៉ុង រីថែល និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង និងបុគ្គលិករបស់ក្រុមហ៊ុន ជីប ម៉ុង រីថេលជាច្រើនរូបទៀតផងដែរ។

នាឱកាសនោះដែរ ថ្នាក់ដឹកនាំកំពូលនៃក្រុមហ៊ុន ជីប ម៉ុង បានថ្លែងថា ពីមួយឆ្នាំទៅមួយឆ្នាំ ផ្សារទំនើបជីប ម៉ុង ២៧១ ដែលបាន បង្កើតឡើងដោយកូនខ្មែរមួយនេះ តែងតែនាំមកនូវអ្វីដែលថ្មីជូនអតិថិជនជានិច្ច ជាពិសេសការបង្កើតនូវប្រូម៉ូសិនថ្មីៗដែលកាន់តែអស្ចារ្យ និងកាន់តែពិសេស ជាងមុនទៅទៀតគឺកម្មវិធីបញ្ចុះតម្លៃពាក់កណ្តាលឆ្នាំដ៏ធំបំផុត MEGA អស្ចារ្យដែលមានការបញ្ចុះតម្លៃរហូតដល់ ៧០ភាគរយ ពីហាងប្រ៊េនល្បីៗជាច្រើន នឹង ការផ្តល់ជូនកាដូរជាច្រើនរហូតដល់ជាង ១០០០រង្វាន់ ជារៀងរាល់ថ្ងៃ សម្រាប់ការចំណាយចាប់ពី ១៥ដុល្លារ ឡើងទៅក្នុង ១វិក័យប័ត្រ និងការចាប់ឆ្នោតផ្សងសំណាងជារៀងរាល់ខែ ដែលរង្វាន់ធំ គឺ រថយន្ដស៊េរីទំនើប ២០២៤ ដំណើរកម្សាន្ដទៅកាន់ទីក្រុងប៉ារីស និង សៀងហៃ ។ កម្មវិធីនេះត្រូវបានចាប់ផ្តើមចាប់ពីថ្ងៃទី២៤ ខែឧសភា ឆ្នាំ២០២៤ ដល់ថ្ងៃទី៣១ ខែ សីហា ឆ្នាំ២០២៤។ ដូចេ្នះចាំកាលទៀត? ទិញកាន់តែច្រើន ឈ្នះរង្វាន់កាន់តែច្រើនជាមួយផ្សារទំនើប ជីប ម៉ុង ២៧១ មេហ្គា ម៉ល។

គួរបញ្ជាក់ផងដែរថា ផ្សារទំនើប ជីប ម៉ុង ២៧១ មេហ្គា ម៉ល មានម្ចាស់ជាកូនខ្មែរ សុទ្ធ១០០% បានក្តោបក្តាប់វិស័យលក់រាយ ដោយបានវិនិយោគទឹកប្រាក់ប្រមាណជាជាង ៣០០លានដុល្លារ សាងសង់ ផ្សារទំនើបខ្នាតអន្តរជាតិ ផ្សារទំនើប ជីប ម៉ុង ២៧១ មេហ្គា ម៉ល ដោយដំណើរការបានមួយឆ្នាំ គិតមកដល់បច្ចុប្បន្ននេះ មានហាងល្បីៗទាំងជាតិ និងអន្តរជាតិជាង១០០ហាង ដែលកំពុងមានវត្តមានក្នុងផ្សារទំនើបខ្នាតអន្តរជាតិ ដែលមានម្ចាស់ជាកូនខ្មែរនេះ៕