ផ្សារបណ្តែតទឹកនឹងមានវត្តមានជាលើដំបូងនៅកម្ពុជា

• Proeksa Meas
• 27 ខែ​កក្កដា 2017
• ព័ត៌មានអចលនទ្រព្យ
• 388 មើល

គម្រោងសាងសង់ផ្សារបណ្តែតលើទឹក ស្ថិតលើទីតាំងដ៏ធំមួយនៃទីក្រុងរណបកំពុងដាក់ស្នើរជូនទៅកាន់រដ្ឋាភិបាល ខណៈដែលផែនការសាងសង់ផ្សារបណ្តែតទឹកមួយនេះរំពឹងថា នឹងទាក់ទាញភ្ញៀវទេសចរណ៍កាន់តែច្រើនទៅទស្សនាខេត្តកណ្តាល។

ផែនការមេនៃការអភិវឌ្ឍ រំពឹងថានឹងមានកន្លែងកំសាន្ត លំនៅឋាន និងឧស្សាហកម្មចំរុះលើផ្ទៃដី១.០០០ហិកតា ស្ថិតនៅឃុំវិហារសួគ៌ ស្រុកខ្សាច់កណ្តាល ខេត្តកណ្តាល។ សម្រាប់ផែនការសាងសង់ផ្សារបណ្តែតលើទឹកគ្របដណ្តប់លើផ្ទៃដី ៥០ហិកតា តាមបណ្តោយទន្លេមេគង្គ ហើយផ្សារប្រពៃណីខ្មែរមួយនេះបង្កើតឡើងដើម្បីទាក់ទាញចំណាប់អារម្មណ៍ទាំងភ្ញៀវទេសចរណ៍ និងអ្នករស់នៅក្នុងស្រុក។

ផ្សារបណ្តែតលើទឹកនេះនឹងត្រូវអភិវឌ្ឍដោយក្រុមហ៊ុន Skyland បានចូលហ៊ុនជាមួយក្រុមហ៊ុនក្នុងស្រុក Jet Group និងក្រុមហ៊ុន Star5 Development Pvt Ltd មានមូលដ្ឋាននៅក្នុងប្រទេសឥណ្ឌា។

គួរជម្រាបដែរថា កាលពីឆ្នាំ ២០១៦ កន្លងមកនេះក្រុមហ៊ុន Skyland បានប្រកាសបោះទុន ៣០លានដុល្លារអាមេរិក ដើម្បីធ្វើការវិនិយោគលំនៅឋានតម្លៃទាបលើផ្ទៃដី ១០០ ហិកតាព្រមទាំង ទុន ៦០លានដុល្លារបន្ថែមទៀត ដើម្បីវិនិយោគលំនៅឋានសម្រាប់អ្នកដែលមានប្រាក់ចំណូលខ្ពស់៕