រដ្ឋនិងOCIC កំពុងធ្វើសាឡាងឆ្លងកោះនរា-កោះពេជ្រហើយក៏គ្រោងនឹងសង់ស្ពានថ្មីមួយទៀតនៅព្រែកប្រា

• 17 ខែ​កុម្ភៈ 2021
• Uncategorized @km
• 8 មើល

រដ្ឋបាលរាជធានីភ្នំពេញ និង ក្រុមហ៊ុន OCIC កំពុងរៀបចំធ្វើសាឡាងឆ្លងពីកោះនរា ទៅកោះពេជ្រ ជាបណ្ដោះអាសន្ន ដើម្បីបញ្ចៀសបញ្ហាការកកស្ទះចរាចរណ៍តាមផ្លូវជាតិលេខ១ និងផ្លូវជាតិលេខ២។ លើសពីនេះ ភាគីទាំង២ ក៏គ្រោងនឹងស្ថាបនាស្ពានបេតុងមួយខ្សែបន្ថែមទៀតផងដែរ នៅតំបន់ព្រែកប្រាផងដែរ។

ឯកឧត្តម ឃួង ស្រេង អភិបាលរាជធានីភ្នំពេញ បានប្រាប់សារព័ត៌មាន Fresh News កាលពីថ្ងៃទី១៧ ខែកុម្ភៈ ថា៖ «សាលារាជធានីភ្នំពេញបានគ្រោងនឹងសាងសង់ស្ពានមួយទៀត នៅភាគខាងត្បូង ដើម្បី រំដោះចរាចរណ៍លើផ្លូវជាតិលេខ១ និង ផ្លូវជាតិលេខ២»។

ឯកឧត្តម បន្ថែមថា៖ «រដ្ឋបាលរាជធានីភ្នំពេញ ក៏បានគិតគូរជាមួយខាងក្រុមហ៊ុន OCIC ដើម្បីខ្ចីកោះនរា ដាក់សាឡាងឆ្លងទៅកោះពេជ្រផងដែរ»។

បើយោងតាមប្រភពដដែលនេះ សាឡាងគឺនឹងប្រើប្រាស់បណ្តោះអាសន្នប៉ុណ្ណោះ ពោលគឺប្រើប្រាស់ក្នុងអំឡុងពេលស្ពានខ្សែកាបតភ្ជាប់ពីកោះពេជ្រ ទៅកោះនរាកំពុងសាងសង់។

គួរបញ្ជាក់ផងដែរ ស្ពានខ្សែកាបនេះត្រូវបានបើកការដ្ឋានសាងសង់តាំងពីខែតុលា ឆ្នាំ ២០២០ កន្លងមកនេះ ដោយនឹងប្រើប្រាស់រយៈពេលសាងសង់ប្រមាណ ៣៥ខែ។ (អានបន្ថែម)

• គម្រោងអភិវឌ្ឍន៍
• នគរូបនីយកម្ម និងស្ថាបត្យកម្ម
• Projects Development
• គម្រោងអភិវឌ្ឍន៍
• Urbanization and Architect