រដ្ឋមន្ត្រីថ្មីជម្រុញធ្វើការដោះស្រាយការចំពោះការចុះបញ្ជីដីធ្លី

• Proeksa Meas
• 9 ខែ​កក្កដា 2016
• ព័ត៌មានអចលនទ្រព្យ
• 156 មើល

ឯកឧត្តម ជា សុផារ៉ា ដែលត្រូវបានតែងតាំងជារដ្ឋមន្ត្រីថ្មីនៃក្រសួងរៀបចំដែនដី នគរូបនីយកម្ម និងសំណង់បានលើកឡើងថា លោកនឹងផ្តោតការយកចិត្តទុកដាក់លើការបង្កើនល្បឿននៃការចុះបញ្ជីដីធ្លីឲ្យបានលឿន និងការដោះស្រាយជម្លោះដីធ្លី។ ឯកឧត្តម ជា សុផារ៉ា ជាអតីតរដ្ឋមន្ត្រីក្រសួងអភិវឌ្ឍន៍ជនបទ និងជាអតីតអភិបាលរាជធានីភ្នំពេញ បានចូលមកកាន់តំណែងជារដ្ឋមន្ត្រីជំនួសអតីតរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឯកឧត្តម អ៊ឹម ឈុនលឹម កាលពីដើមខែមេសានេះ ដោយសារមានការរុះរើគណៈរដ្ឋមន្ត្រីទ្រង់ទ្រាយធំ។

បើតាមកាសែតភ្នំពេញប៉ុស្តិ៍ លោករដ្ឋមន្ត្រីថ្មីបានមានប្រសាសន៍ថា លោកនឹងធ្វើការលើកទឹកចិត្ត ព្រមទាំងពង្រឹងសេវាសាធារណៈសង្គម ដើម្បីធ្វើការបម្រើសាធារណជនឲ្យបានទាន់ពេលវេលា និងជំរុញដំណើរការចុះបញ្ជីដីធ្លី ។ រដ្ឋមន្ត្រីក្រសួងមហាផ្ទៃ ឯកឧត្តម ស ខេង ក៏បានជំរុញឲ្យមន្ត្រីសាធារណៈយកចិត្តទុកដាក់បន្ថែមទៀតក្នុងការដោះស្រាយជម្លោះដីធ្លីផងដែរ។