រដ្ឋអនុម័តគម្រោងវិនិយោគថ្មីៗ ៧ គម្រោង តម្លៃសរុបប្រមាណ ៩៥ លានដុល្លារ នៅខេត្តធំៗ៤

• 22 ខែ​តុលា 2021
• Uncategorized
• 6 មើល

ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគ ចំនួន ៩៤,៩ លានដុល្លារអាមេរិក បង្កើតរោងចក្រចំនួន ០៧កន្លែង នៅរាជធានីភ្នំពេញ កំពង់ស្ពឺ ព្រះសីហនុ និងស្វាយរៀង។

យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ២២ ខែតុលា កន្លងមកនេះ ក្រុមហ៊ុនដែលទទួលបានការអនុម័តគម្រោងទាំង ៧ រួមមាន៖

១. ក្រុមហ៊ុន TREND APPAREL CO., LTD វិនិយោគប្រមាណ ២លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ នៅដីឡូតិ៍លេខ ៣២៣ និងលេខ ៣២៤ ភូមិត្រពាំងមាន សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

២. ក្រុមហ៊ុន BLINGTEX (CAMBODIA) CO., LTD វិនិយោគប្រមាណ ២,៣ លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ នៅភូមិកាន់តម្រា ឃុំជង្រុក ស្រុកគងពិសី ខេត្តកំពង់ស្ពឺ។

៣. ក្រុមហ៊ុន EPIC INTERNATIONAL CO., LTD វិនិយោគប្រមាណ ៣,១ លានដុល្លារអាមេរិក បង្កើតរោងចក្រផលិតស្បែកជើង នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

៤. ក្រុមហ៊ុន SMART SHINE GARMENT (CAMBODIA) CO., LTD វិនិយោគប្រមាណ ៣,២ លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ នៅភូមិស្រង់ ឃុំស្រង់ ស្រុកគងពិសី ខេត្តកំពង់ស្ពឺ។

៥. ក្រុមហ៊ុន Jayee Furniture (Cambodia) Co., Ltd. វិនិយោគប្រមាណ ១,៨ លានដុល្លារអាមេរិក បង្កើតរោងចក្រផលិតសាឡុងស្បែក គ្រឿងសាឡុងឈើ និងកេះកាតុង នៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ។

៦. ក្រុមហ៊ុន Starray Lighting (Cambodia) Enterprise Co., Ltd. វិនិយោគប្រមាណ ២,៥ លានដុល្លារអាមេរិក បង្កើតរោងចក្រផលិតអំពូលភ្លើងលំអ ដែលមានទីតាំងស្ថិតនៅក្នុងតំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍ ខេត្តស្វាយរៀង។

៧. ក្រុមហ៊ុន RMKH Glove (Cambodia) Co., Ltd. វិនិយោគប្រមាណ ៨០ លានដុល្លារអាមេរិក បង្កើតរោងចក្រផលិតស្រោមដៃគ្រប់ប្រភេទ ដែលមានទីតាំងស្ថិតនៅក្នុងតំបន់សេដ្ឋកិច្ចពិសេសមេនហាតធេនស្វាយរៀង ខេត្តស្វាយរៀង។

បើតាមក្រុមប្រឹក្សាអភិវឌ្ឍន៍កម្ពុជា(CDC) គម្រោងទាំង៧ ខាងលើនេះ អាចបង្កើតការងារជូនពលរដ្ឋរហូតដល់ ៥៣១១ កន្លែង។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍