រដ្ឋាភិបាលប្រកាសពីសេវាតាក់ស៊ីផ្លូវទឹក

• Proeksa Meas
• 30 ខែ​មីនា 2017
• ព័ត៌មានអចលនទ្រព្យ
• 191 មើល

នៅក្នុងកិច្ចខិតខំប្រឹងប្រែងដើម្បីផ្តល់នូវជម្រើសផ្លូវដឹកជញ្ជូន ដើម្បីដោះស្រាយបញ្ហាកកស្ទះចរាចរណ៍ក្នុងទីក្រុង ហើយធ្វើឲ្យប្រសើរឡើងនូវការតភ្ជាប់រវាងតំបន់ជាយក្រុង រដ្ឋាភិបាលបានប្រកាស ពីផែនការបើកដំណើរការសេវាតាក់ស៊ីផ្លូវទឹក។

នៅក្នុងកិច្ចប្រជុំអាជីវកម្ម IBC នាពេលថ្មីៗនេះ រដ្ឋមន្ត្រីក្រសួងសាធារណៈការ និងដឹកជញ្ជូន និងជាទេសរដ្ឋមន្ត្រី ឯកឧត្តម ស៊ុន ចាន់ថុល បានប្រាប់ក្រុមមេដឹកនាំអាជីវកម្មសំខាន់ៗថា រដ្ឋាភិបាលត្រូវការប្រើប្រាស់ធនធានធម្មជាតិសំខាន់ៗរបស់ខ្លួន ជាផ្នែកមួយនៃគោលនយោបាយសមាហរណកម្មប្រព័ន្ធដឹកជញ្ជូន។

សេវាកម្មតាក់ស៊ីផ្លូវទឹកដែលមានទំហំទឹកប្រាក់ ២២ លានដុល្លារ នេះ នឹងចាប់ផ្តើមប្រតិបត្ដិការនៅក្នុងឆ្នាំ ២០១៨ នៅលើផ្លូវចម្ងាយ ២៥ គីឡូម៉ែត្រ នៃដងទន្លេសាប និងទន្លេបាសាក់ ហើយវានឹងត្រូវគ្រប់គ្រងដោយសាលារាជធានីភ្នំពេញ។ សេវាកកម្មនេះមានទូកចំនួន ២០ ដែលទូកមួយមានសមត្ថភាពផ្ទុកមនុស្សបាន ៩០នាក់ ហើយមានស្ថានីយចំណតចំនួនប្រាំបួននៅតាមបណ្តោយផ្លូវទឹកដែលបានគ្រោងទុកនោះ។