វិនិយោគិនចាប់អារម្មណ៍តំបន់ Danang

• Proeksa Meas
• 6 ខែ​កុម្ភៈ 2017
• ព័ត៌មានអចលនទ្រព្យ
• 155 មើល

ខណៈដែលវិស័យអចលនទ្រព្យរបស់ប្រទេសវៀតណាមកំពុងតែរីកចម្រើន វិនិយោគិនកំពុងសម្លឹងមើលកាន់តែច្រើនឡើងចំពោះតំបន់ភាគកណ្តាលប្រទេសវៀតណាម និងតំបន់ Danang សម្រាប់ឱកាសថ្មីៗ។

ពេលថ្មីៗនេះ Danang បានស្ថិតនៅលើគេនៃសន្ទស្សន៍កម្រិតប្រកួតប្រជែងរបស់ខេត្ត (PCI) ក្នុងចំណោមខេត្តចំនួន ៦៣ នៅប្រទេសវៀតណាម សម្រាប់ការបង្កើតលក្ខខណ្ឌអនុគ្រោះសម្រាប់ការអភិវឌ្ឍវិស័យឯកជន។

អ្នកវិនិយោគក្នុងតំបន់មកពីហុងកុង សិង្ហបុរី កូរ៉េ និងជប៉ុនទាំងអស់កំពុងតែទិញអចលនទ្រព្យក្នុងតំបន់ដែលមានអចលនទ្រព្យគួរឲ្យចាប់អារម្មណ៍បំផុតរបស់វៀតណាម។

លំនៅដ្ឋានប្រណីតដែលមានមុខបែរទៅរកឆ្នេរ គឺជាគោលដៅចម្បងរបស់វិនិយោគិនអន្ដរជាតិ ដោយមានអចលនទ្រព្យបង្កើតស្រាប់ដូចជាការពង្រីក Intercontinental Sun Peninsula និងគម្រោងទំនើបបំផុតជាច្រើនរួមទាំងគម្រោងរបស់ Bill Bensley ស្ថាបត្យករនៃ Shinta Mani Club នៅខេត្តសៀមរាប។