វិនិយោគិនជប៉ុននាំមុខគេនៅប្រទេសវៀតណាម

• Proeksa Meas
• 27 ខែ​សីហា 2016
• ព័ត៌មានអចលនទ្រព្យ
• 200 មើល

សេដ្ឋកិច្ច​ដែល​មាន​ស្ថិរភាព ទីផ្សារ​អចលនទ្រព្យ​ដែល​ប្រកបដោយ​ភាពរឹងមាំ និង​ថាមវន្ត ចំនួន​ប្រជាជន​វ័យក្មេង​ដែល​ផ្តោត​ទៅ​លើ​ការ​សន្សំ កំពុងតែ​ទាក់ទាញ​វិនិយោគិន​អចលនទ្រព្យ​នៃ​ប្រទេស​ជប៉ុន​ទៅកាន់​ប្រទេស​វៀតណាម​យ៉ាងច្រើន​។​

​ក្រុមហ៊ុន​ជប៉ុន Sanyo Homes, Creed Group, Hankyu Realty Co Ltd. និង Nishi-Nippon Railroad Co. មាន​ភាព​ជា​ដៃគូ​ជាមួយ​ក្រុមហ៊ុន​វៀតណាម​នៅ​ឆ្នាំ​នេះ ដើម្បី​វិនិយោគ​ក្នុង​ការអភិវឌ្ឍ​អចលនទ្រព្យ​ពហុ​បំណង និង​លំនៅឋាន នៅក្នុង​ភាគខាងត្បូង​នៃ​ប្រទេស​វៀតណាម។

​ក្រុមហ៊ុន Sanyo Homes គឺជា​ក្រុមហ៊ុន​ចុងក្រោយ​បំផុត​ដែល​បាន​ចូលទៅ​ក្នុង​ទីផ្សារ ធ្វើការ​អភិវឌ្ឍន៍​គម្រោង​ខុន​ដូ ដែល​មាន​តម្លៃ​ទឹកប្រាក់ ២៥ លាន​ដុល្លារ នៅក្នុង​ទីក្រុង​ហូជីមិញ។​

​ប្រទេស​វៀតណាម​បាន​ទាក់ទាញ​ការវិនិយោគ​ផ្ទាល់​ពី​បរទេស​ក្នុង​ទំហំ​ទឹកប្រាក់ ២៣៩.៧៨ លាន​ដុល្លារ សម្រាប់​វិស័យ​អចលនទ្រព្យ​នៅក្នុង​ត្រីមាស​ទី​មួយ នេះ​បើ​យោង​តាម​ក្រសួង​ផែនការ និង​ភ្នាក់ងារ​វិនិយោគ​បរទេស។​