វិស័យអចលនទ្រព្យសកលសន្យាឲ្យមានក្រមសីលធម៌វិជ្ជាជីវៈ

• Proeksa Meas
• 1 ខែ​កុម្ភៈ 2017
• ព័ត៌មានអចលនទ្រព្យ
• 255 មើល

សំណុំបទដ្ឋានសីលធម៌វិជ្ជាជីវៈជាសកលដំបូងបំផុតសម្រាប់អ្នកជំនាញធ្វើការនៅក្នុងវិស័យសំណង់ និងអចលនទ្រព្យត្រូវបានចុះហត្ថលេខាដោយក្រុមចម្រុះនៃអង្គភាពជំនាញវិជ្ជាជីវៈជាង ១០០ នៅខែធ្នូ។

បទដ្ឋានសីលធម៌វិជ្ជាជីវៈនេះ ត្រូវបានរៀបចំឡើងដោយក្រុមបទដ្ឋានសីលធម៌វិជ្ជាជីវៈអន្តរជាតិ(IES) ក្នុងគោលបំណងដើម្បីឲ្យមានការអនុវត្តជាសកល និងធានានូវវិជ្ជាជីវៈឧស្សាហកម្មនេះជាសកល។

បទដ្ឋានក៏មានគោលបំណងដើម្បីទាក់ទាញការវិនិយោគបន្ថែមទៀត ដោយកាត់បន្ថយហានិភ័យគិតទុក និងហានិភ័យជាក់ស្តែងនៅក្នុងឧស្សាហកម្មអចលនទ្រព្យ និងសំណង់។

បទដ្ឋាននោះគឺ គណនេយ្យភាព ការរក្សាការសម្ងាត់ ទំនាស់ផលប្រយោជន៍ ការទទួលខុសត្រូវផ្នែកហិរញ្ញវត្ថុ សេចក្តីថ្លៃថ្នូរ ភាពស្របច្បាប់ ការឆ្លុះបញ្ចាំង បទដ្ឋានសេវាកម្ម តម្លាភាព និងការជឿទុកចិត្ត។

សេដ្ឋកិច្ចបញ្ជាក់ន័យគ្រប់គ្រាន់។ បើតាមក្រុមហ៊ុនអចលនទ្រព្យ Savills ទ្រព្យសម្បត្តិអចលនទ្រព្យនៅទូទាំងពិភពលោកមានតម្លៃរហូតដល់ ២១៧ ទ្រីលានដុល្លារ នៅឆ្នាំ ២០១៥ បើធៀបនឹងផលិតផលក្នុងស្រុកសរុបសកលដែលមានតម្លៃប្រហែល ៨០ទ្រីលានដុល្លារ។