វិស័យអចលនវត្ថុរបស់វៀតណាមកំពុងរីកចម្រើនខ្លាំង

• Proeksa Meas
• 9 ខែ​ធ្នូ 2016
• ព័ត៌មានអចលនទ្រព្យ
• 178 មើល

ទីផ្សារអចលនទ្រព្យរបស់វៀតណាមនៅតែបន្តទាក់ទាញការវិនិយោគធំៗពីក្រុមហ៊ុនរបស់ជប៉ុន ជាមួយនឹងទឹកប្រាក់វិនិយោគ ១ ប៊ីលានដុល្លារ ដែលត្រូវបានប្រកាសនៅក្នុងខែកញ្ញា។

ការបណ្តាក់ទុនរួមគ្នារវាងក្រុមហ៊ុន Kajima របស់ជប៉ុន និង Indochina Capital ដែលមានមូលដ្ឋាននៅទីក្រុងហាណូយ នឹងធ្វើការវិនិយោគលើគម្រោងប្រកបដោយសក្តានុពលចំនួន ៥០ ក្នុងរយៈពេល ១០ ឆ្នាំ ដែលនឹងរួមបញ្ចូលនូវអាផាតមិន សណ្ឋាគារ និងអគារការិយាល័យ។

គម្រោងបួនត្រូវបានរំពឹងថានឹងចាប់ផ្តើមក្នុងរយៈពេល ១៥ ខែ ហើយការបណ្តាក់ទុននេះនឹងចាប់ផ្តើមផ្តោតលើគម្រោងលំនៅដ្ឋាននៅទីក្រុងហាណូយ ដាណាង និងទីក្រុងហូជីមិញ។

ក្រុមហ៊ុន Kajima ក៏បានចូលរួមជាមួយក្រុមហ៊ុនជប៉ុនផ្សេងទៀតដូចជា Creed Group, Tokyu, Hankyu Realty, Nishi-Nippon Railroad និង Sanyo Homes ដែលបានវិនិយោគក្នុងវិស័យអចលនទ្រព្យដែលកំពុងរីកលូតលាស់របស់ប្រទេសវៀតណាម ។