សណ្ឋាគារ-កាស៊ីណូ Naga2 ប្រកាសបើកដំណើរការសាកល្បង

Proeksa Meas
6 ខែវិច្ឆិកា 2017
ព័ត៌មានអចលនទ្រព្យ
160 មើល

ភ្នំពេញ៖ ស្ថិតនៅជិតដងទន្លេមេគង្គ ទល់មុខទីតាំងគម្រោងសាងសង់អគារពាណិជ្ជកម្មកម្ពស់ ១៣៣ជាន់ មជ្ឈមណ្ឌលកម្សាន្ត Naga2 ដែលមានសណ្ឋាគារ និងការស៊ីណូផងដែរនោះ បានប្រកាសបើកសម្ពោធសាកល្បងកាលពីពេលថ្មីនេះៗ។

យសារតែអគារ NagaWorld ដែលមានស្រាប់កំពុងដំណើរការនាពេលបច្ចុប្បន្ន មិនគ្រប់គ្រាន់ក្នុងការទទួលអតិថិជន ពោលគឺ ៨០ ទៅ ៩០ ភាគរយ សម្រាប់បម្រើសេវាកម្មដល់ភ្ញៀវចូលលេងកម្សាន្តក្នុងកាស៊ីណូ (gamblers) អ្នកដំណើរទសចរណ៍ និងសាធារណៈជនទូទៅ។ នេះបើយោងតាមគេហទំព័រផ្លូវការរបស់ក្រុមហ៊ុន NagaCorp Ltd. ដែលជាប្រតិបត្តិករសណ្ឋាគារ កាស៊ីណូ និងកន្លែងកម្សាន្តដ៏ធំជាងគេនៅកម្ពុជា ហើយក្រុមហ៊ុននេះ បានចុះបញ្ជីក្នុងផ្សារហ៊ុន ហុងកុង លីមីតធីត តាំងពីឆ្នាំ ២០០៦ មកម្ល៉េះ។

ដើម្បីឆ្លើយតបទៅនឹងកំណើនតម្រូវការអតិថិជន ក្រុមហ៊ុន NagaCorp បានសម្រេចបោះទុន៣៦៩ លានដុល្លារអាមេរិក អភិវឌ្ឍពង្រីកបន្ថែម Naga2 ស្ថិតនៅជាប់គ្នានឹង NagaWorld។ Naga2 ត្រូវបានសាងសង់លើទំហំផ្ទៃដី ១១០,១០៥ ម៉ែត្រការ៉េ ដែលក្នុងនោះមានផ្សារលក់រាយ NagaCity Walk មានទំហំ ១៣,២៤៨ ម៉ែត្រការ៉េ និងអគារចម្រុះ TSCLK ដែលមានបន្ទប់សណ្ឋគារ ១០០០បន្ទប់ និងបន្ទប់លំដាប់វីអាយភី (VIP) ចំនួន ៣៨បន្ទប់។ល។

គួរជម្រាបថា ណាហ្គាវើលដ៍ ជាមណ្ឌលកម្សាន្តរួមបញ្ចូលគ្នារវាងកាស៊ីណូ និងសណ្ឋាគារនៅទីក្រុងភ្នំពេញ ហើយក៏ជាក្រុមហ៊ុនដែលមានអាជ្ញាប័ណ្ណកាស៊ីណូរយៈពេល ៧០ ឆ្នាំ ដែលមានសុពលភាពរហូតដល់ឆ្នាំ ២០៦៥ និងមានសិទ្ធិប្រតិបត្តិការសេវាកម្មកាស៊ីណូផ្តាច់មុខរយៈពេល ៤១ ឆ្នាំ លើផ្ទៃដី ២០០ គីឡូម៉ែត្រជុំវិញទីក្រុងភ្នំពេញដែលនឹងផុតកំណត់នៅឆ្នាំ ២០៣៥។ នេះបើតាមគេហទំព័រក្រុមហ៊ុន NagaCorp។