សភាពាណិជ្ជកម្មអឺរ៉ុបនៅកម្ពុជានឹងរៀបសិក្ខាសាលាស្ដីពីអគារខ្ពស់ដំបូងបង្អស់នៅកម្ពុជា

Proeksa Meas
19 ខែមិថុនា 2018
Uncategorized @km
83 មើល

សភាពាណិជ្ជកម្មអឺរ៉ុបប្រចាំប្រទេសកម្ពុជា(EuroCham) រួមសហការជាមួយនឹងក្រុមប្រឹក្សានៃអគារខ្ពស់ៗ និងលំនៅដ្ឋានក្នុងទីក្រុង ឬ Council on Tall Buildings and Urban Habitatនឹងរៀបចំវេទិកាសិក្ខាសាលាមួយស្ដីពីអគារខ្ពស់ ឬ Tall Buildings Forum ជាលើកដំបូងនៅកម្ពុជាដែលនឹងមានអ្នកជំនាញក្នុងវិស័យនេះជាច្រើនរូបនឹងចូលរួម ចែករំលែកចំណេះដឹងនិងពិភាក្សាទៅលើប្រធានបទសំខាន់ៗទាក់ទងនឹងស្ថានភាពបច្ចុប្បន្ននិងសក្ដានុពលនាពេលអនាគតនៃអគារខ្ពស់ៗនៅក្នុងប្រទេសកម្ពុជា។

សិក្ខាសាលានេះនឹងប្រព្រឹត្តទៅនៅថ្ងៃទី ២៦ ខែមិថុនានៅឯសណ្ឋាគារ Sofitel Phnom Penh Phokeethra ពីម៉ោង ៧:៣០ ព្រឹកដល់ម៉ោង ១២:៣០។

ចំណុចសំខាន់នៃសិក្ខាសាលានេះគឺជាវេទិកាពិភាក្សាស្តីពីប្រធានបទសំខាន់ៗជាច្រើនរួមមានការរចនាប្លង់អាគារខ្ពស់ និងផលប៉ះពាល់របស់វាទៅលើការធ្វើផែនការទីក្រុង បញ្ហាឧបសគ្គបច្ចេកទេសនិងបញ្ហាប្រឈមទាក់ទងនឹងវិស័យនេះ តើកម្ពុជានឹងអាចសង់អាគារបានខ្ពស់ដល់កម្រិតណា ការរៀបចំផែនការទីក្រុង ជាពិសេសផលប៉ះពាល់ដែលអាចនឹងកើតមានឡើងលើគំរូប្លង់អភិវឌ្ឍន៍របស់ប្រទេសកម្ពុជា។

ដើម្បីធ្វើអោយព្រឹត្តិការណ៍ដ៏សំខាន់មួយនេះពោពេញទៅដោយចំណេះដឹងEuroChamបានចំរាញ់ជ្រើសរើសបុគ្គលសំខាន់ៗមានឈ្មោះល្បីល្បាញមានបទពិសោធន៍ និងមានជំនាញច្បាស់លាស់ទាក់ទងនឹងវិស័យនេះ ទាំងមកពីជួររដ្ឋាភិបាលនិងវិស័យឯកជនទាំងក្នុងនឹងក្រៅប្រទេស មកចូលរួមជាវាគ្មិន ក្នុងកិច្ចពិភាក្សានេះដូចជា:

លោក TassiloBrinzerអនុប្រធានសភាពាណិជ្ជកម្មអឺរ៉ុបប្រចាំប្រទេសកម្ពុជា (EuroCham)និងជាស្ថាបនិក Global Media Asia
ឯកឧត្តម ប៉ែនសុផល រដ្ឋលេខាធិការក្រសួងរៀបចំដែនដីនគរូបនីយកម្មនិងសំណង់
លោក Ross Whebleនាយកប្រចាំប្រទេស MA MRICS Country Head – Knight Frank (Cambodia)
លោក Michael Freeman មកពីក្រុមហ៊ុនComin Asia
លោក Steve Zuoនាយកគ្រប់គ្រងនៃក្រុមហ៊ុនSardini Group Inc.មកពីសហរដ្ឋអាមេរិក
លោក Pieter Georges Keppensប្រធានផ្នែកដំណោះស្រាយផលិតផលនិងបច្ចេកវិជ្ជានៃក្រុមហ៊ុន Siam Cement Public Company Ltd
លោក J. Marshall Strabalaអ្នកជំនាញផ្នែករចនាម៉ូដ មកពីក្រុមហ៊ុន STRABALA & Architecture
បណ្ឌិតSimon David Vancliffនាយកផ្នែកវិនិយោគនិងអភិវឌ្ឍន៍ មកពីក្រុមហ៊ុន ING Holdings
លោកCharles Amar អនុប្រធានគណៈកម្មការអចលនទ្រព្យនិងសំណង់នៃEuroChamនិងជានាយកគ្រប់គ្រងរបស់ក្រុមហ៊ុនច្បាប់ Bun & Associates
លោក Ravarro Dario នាយកគ្រប់គ្រងផ្នែកបច្ចេកទេសអាស៊ីប៉ាស៊ីភិច មកពីក្រុមហ៊ុន KONE
ឯកឧត្តមបណ្ឌិត ឆាន់ សូរ្យផល អគ្គនាយកនៃអគ្គនាយកដ្ឋានសំណង់ នៃក្រសួងរៀបចំដែនដីនគរូបនីយកម្មនិងសំណង់
Minh Nguyen Hongអគ្គនាយកផ្នែកវិស្វកម្ម មកពីក្រុមហ៊ុន Archetype ប្រទេសវៀតណាម
នេះគឺជាឱកាសដ៏ល្អមួយសម្រាប់អ្នកចូលរួម ក្នុងការស្វែងយល់ សួរសំណួរ និងពិភាក្សាទៅកាន់វាគ្មិនជំនាញដោយផ្ទាល់ ទាក់ទងនឹងស្ថានភាពបច្ចុប្បន្ននិងសក្ដានុពលនាពេលអនាគតនៃអគារខ្ពស់ៗនៅក្នុងប្រទេសកម្ពុជា។