សមាគមអភិវឌ្ឍន៍លំនៅឋានកម្ពុជា (HDAC) តែងតាំងប្រធានថ្មី

• Proeksa Meas
• 8 ខែ​កក្កដា 2016
• ព័ត៌មានអចលនទ្រព្យ
• 290 មើល

សមាជិកនៃសមាគមអភិវឌ្ឍន៍លំនៅឋានកម្ពុជា (HDAC) បានបោះឆ្នោតតែងតាំងឧកញ៉ា លី ហួរ ជាប្រធានថ្មីនៃសមាគមនេះសម្រាប់កាន់តំណែងរយៈពេលបីឆ្នាំ។

ឧកញ៉ា លី ហួរ គឺជាម្ចាស់បុរីវិមានភ្នំពេញ និងជានាយកប្រតិបត្តិនៃក្រុមហ៊ុនលីហួរគ្រុប។ សមាជិក HDAC នេះមានអ្នកអភិវឌ្ឍន៍លំនៅឋានចំនួន ៣០នាក់ ដែលធ្វើការរួមគ្នាដើម្បីពង្រឹងវិស័យនេះ ដោយការផ្តល់នូវវេទិកាសម្រាប់សមាជិក និងក្រសួងនានាធ្វើការការចែករំលែកព័ត៌មាន ចំណេះដឹង បទពិសោធ និងជួយដោះស្រាយបញ្ហាពន្ធ និងបញ្ហាច្បាប់ នៅក្នុងឧស្សាហកម្មអចលនទ្រព្យ។ ឧកញ៉ា នួន រិទ្ធី នាយកប្រតិបត្តិនៃ Khmer Foundation Appraisals និងលោក គីម ហ៊ាង ប្រធាន CVEA បានប្រឹងប្រែងផ្តល់ការគាំទ្ររបស់ពួកគេពីក្រោយសមាគមមួយនេះ។